रोनाल्डो भित्रिएपछि युभेन्टसको शेयरको मूल्य आकासियो

असार २७, २०७५ बुधबार १४:४५:५७ | उज्यालो सहकर्मी

रियल मड्रिडबाट युुभेन्टसमा आवद्ध भएका राेनाल्डोले क्लबका लागि कति गोल गर्लान ? पहिलो वर्ष कति उपाधि जिताउलान् ? पूरा चार वर्षको उनको करियर कस्तो होला ? यी प्रश्नहरुको जवाफ आउने समयले बताउने नै छ ।

तर रोनाल्डो भित्र्याउन नपाउँदै युभेन्टसले आर्थिक फड्को मार्न थालिसकेको छ ।

अझ रोनाल्डो भित्र्याउने चर्चा सुरु भएदेखि नै युभेन्टसको स्टक मार्केटको मूल्य आकासिएको छ । इटालीको सबैभन्दा सफल क्लबले रोनाल्डोलाई सम्झौता गर्ने पक्कापक्की भएपछि नै उकालो लाग्न थालेको युभेन्टसको शेयरको मूल्य बढ्ने क्रम जारी छ ।

केही दिनअघि स्पेनिस मिडियाले रोनाल्डो सम्झौताका बारेमा समाचार प्रकाशन गरेपछि लगातार बढ्दै आएको शेयरको मूल्य बुधबार ५.८९ प्रतिशतले वृद्धि भएको छ ।

सोमबारको तुलनामा मंगलबार ३.२ प्रतिशतले बढेको थियो । एक सातामा उसको शेयर बजार झण्डै २५ प्रतिशतले उकालो लागेको हो । युभेन्टसको पछिल्लो चार महिनामा यो सबैभन्दा राम्रो नतिजा हो । युरोपेली स्टक मार्केटमा युभेन्टस अघिल्लो वर्षको तुलनामा ४० प्रतिशतले माथि उठेको छ ।

युभेन्टसको आर्थिक भविष्य निकै राम्रो देखिएको छ । इटालियन शीर्ष डिभिजनको युभेन्टसमा रोनाल्डोको उपस्थितिका कारण प्रसारण अधिकार पनि बढ्न सक्नेछ ।

जसका लागि टेलिभिजन नेटवर्कहरुको चरम प्रतिष्पर्धा हुनेछ । युभेन्टसलाई मात्र होइन इटालियन लिग सिरी ए कै आमदानी पनि बढ्नेछ । यससँगै युभेन्टसको अन्तर्राष्ट्रिय पहुँच र प्रतिष्ठा पनि बढ्नेछ । साथै क्लबसँग सम्बन्धीत फुटबल किट, जर्सी, ब्याज लगायतका सामग्रीहरुकाे बिक्री बढेर मनग्य अाम्दानी भित्रिनेछ ।

अघिल्लो वर्ष युभेन्टसले विश्व बजारमा आठ अर्ब अमेरिकी डलर आम्दानी हात पारेको थियो । सन् २०२० सम्म उसको ४७ अर्ब अमेरिकी डलर पुग्ने अनुमान गरिएको छ ।

अन्तिम अपडेट: कात्तिक १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्