यूएईका कप्तान रोहन मुस्तफा काठमाडौं किंग्स इलाभेनमा आवद्ध

असार ३२, २०७५ सोमबार १८:३८:१२ | उज्यालो सहकर्मी

काठमाडौं – केही दिनअघि आइरिस खेलाडी केभिन ओ ब्रायनलाई भित्र्याएको काठमाडौं किंग्स इलाभेनले यूएईका कप्तान रोहन मुस्तफालाई पनि टिममा भित्र्याएको छ ।

यसका साथै मुस्तफा यो वर्षको टीभीएस एभरेष्ट प्रिमियर लिग(ईपीएल) क्रिकेटमा अनुबन्ध हुने दोस्रो विदेशी खेलाडी भएका छन् ।

रोहन मुस्तफाले टी–२० र एकदिवसीय गरी यूएईका लागि ५० भन्दा बढी खेल खेलेका छन् । मुस्तफाले काठमाडौं किंग्सबाट खेल्न पाउँदा आफूलाई निकै खुशी लागेको बताएका छन् ।

धनगढी प्रिमियर लिग(डीपीएल)को दोस्रो संस्करणमा मुस्तफा प्रतियोगिताकै उत्कृष्ट खेलाडी बनेका थिए । उनकै उत्कृष्ट प्रदर्शनमा टिम चौराहा धनगढीले काठमाडौं गोल्डेन्सलाई फाइनलमा हराएको थियो ।

काठमाडौं किंग्स इलाभेनका प्रमुख कार्यकारी अधिकृत रायजंग थापाले रोहन मुस्तफा जस्तो प्रतिभावान खेलाडी भित्र्याउन पाएकोमा आफूहरुलाई खुशी लागेको बताएका छन् । यो सिजनको ईपीएल डिसेम्बरमा आयोजना हुनेछ ।

अन्तिम अपडेट: कात्तिक २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्