ओलम्पिक आयोजकलाई चिन्ताको विषय बन्यो बढ्दो गर्मी

साउन ३, २०७५ बिहीबार ८:३२:५० | उज्यालो सहकर्मी

सन् २०२० को टोकियो ओलम्पिकको आयोजना गर्ने तयारीमा रहेको जापानलाई बढ्दो गर्मीका कारण ठूलो तनाव सुरु भएको छ । ओलम्पिकको समयमा तापक्रम निकै उच्च हुने देखिएपछि ओलम्पिक आयोजकलाई अहिलेदेखि नै दबाव बढेको छ ।

अगष्टमा हुने ओलम्पिकको समय आउन झण्डै दुई वर्ष बाँकि छ । तर यो वर्ष ओलम्पिक हुने समय नजिकै टोकियोको तापक्रम ४१ डिग्री सेन्टिग्रेड पुगेको छ । जसका कारण तातो बाफले जनजिवन निकै प्रभावित भएको छ भने १४ जनाको मृत्यु पनि भइसकेको छ ।

दुई वर्षपछि यही समयमा टोकियोमा खेलकुदको महाकुम्भ मेला ओलम्पिकको आयोजना हुँदैछ । यो बेलामा पनि यही तापक्रम रहने हो भने खेलाडीको प्रदर्शनमा ठूलो असर पर्ने आयोजकको चिन्ता छ ।

गर्मीको रापले नौ हजारभन्दा बढी मानिस अस्पताल भर्ना भैसकेका छन् । ओलम्पिक आयोजनालाई भब्य बनाउन जापानले विलियन डलर खर्च गरिरहेको छ । जसका लागि उसले अर्को बर्ष नोवेम्बरमा उद्घाटन हुने रंगशाला तयार पार्ने योजनामा छ । यस्तै अन्य पूर्वाधारको काम पनि धमाधम भइरहेको छ ।

समुन्द्र नजिक भन्दा पनि समुन्द्र नभएको ठाउँमा बढी गर्मी हुने गरेको छ छ । अहिले टोकियोमा कम्तीमा ४० डिग्री तापक्रम रहेको छ ।

अन्तिम अपडेट: कात्तिक १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्