आइसीसी विश्वकप क्रिकेट लिग टू : नेपाल र अमेरिका पहिलो जीतको खोजीमा

माघ २५, २०७६ शनिबार ८:१४:५१ | उज्यालो सहकर्मी

काठमाण्डौ – आइसीसी विश्वकप क्रिकेट लिग टू मा नेपालले शनिबार अमेरिकासँग खेल्दैछ । खेल बिहान साढे ९ बजेपछि त्रिवि मैदान कीर्तिपुरमा सुरु हुनेछ ।

शरद भेषवाकर घाइते भएपछि उनको ठाउँमा सुवास खकुरेलले खेल्ने सम्भावना छ । यससँगै शनिबार सुवास र ज्ञानेन्द्र मल्लले ओपनिङ गर्ने सम्भावना धेरै छ । ओमनसँगको खेलमा ज्ञानेन्द्रले पारस खड्कासँग ओपनिङ गरेका थिए । तर दुवै ओपनरले राम्रो खेल्न नसक्दा नेपाल सुरुदेखि नै दबाबमा परेको थियो ।

प्रतियोगितामा नेपाल र अमेरिका दबै ओमानसँग पराजित भएका छन् । अमेरिका सन २०१० पछि पहिलो पटक नेपालमा क्रिकेट खेल्न आएको हो । २०१२ मा भएको नेपाल र अमेरिकाले डिभिजन चारमा खेलेका थिए । जसमा नेपाल विजेता बन्दा अमेरिका दोस्रो भएको थियो । यस्तै, २०१३ मा डिभिजन थ्रीमा खेल्दा नेपाल च्याम्पियन भएर डिभिजन दुई मा उक्लियो ।

अमेरिका भने डिभिजन तीनमा नै रह्यो । अमेरिकी टिममा यसपटक अष्ट्रेलिया, इङ्ग्ल्याण्ड, वेष्ट इण्डिजका खेलाडी धेरै छन् । उसले अहिलेसम्म खेलेका आठ खेलमा अमेरिकाका मुख्यगरि आरोन जोन्स र मोना‌ङ्क पटेलको प्रदर्शन उत्कृष्ट रहेको छ । प्रतियोगितामा धेरै रन बनाउने खेलाडीको सूचीमा जोन्स दोस्रो र पटेल आठौं स्थानमा छन ।

५० ओभरमा सन् २००८ देखिका प्रतिद्वन्द्वी नेपाल र अमेरिकाको हेड टु हेड :

डिभिजन ५, सन २००८
दुई खेल नतिजाविहीन
तेस्रो खेलमा नेपाल ९६ रनले विजयी

डिभिजन ५, सन् २०१०
अमेरिका ५ विकेटले विजयी (दर्शकको अवरोध)
यहि प्रतियोगिताको फाइनल
नेपाल ५ विकेटले विजयी

डिभिजन ४, सन् २०१२
नेपाल ३२ रनले विजयी
यहि प्रतियोगिताको फाइनल
नेपाल ८ विकेटले विजयी

डिभिजन ३, सन् २०१३
अमेरिका ९४ रनले विजयी

डिभिजन ३, सन् २०१४
बर्षाले नतिजाविहीन
यहि प्रतियोगिताको अर्को खेलमा नेपाल १० रनले विजयी ।।

अन्तिम अपडेट: कात्तिक १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्