रोड्रिगेज र बेलसहित तीन स्टार खेलाडी बेच्ने योजनामा रियल

फागुन २३, २०७६ शुक्रबार २०:२८:३० | उज्यालो सहकर्मी

काठमाण्डौ - स्पेनिश क्लब रियल मड्रिड खेलाडी बेच्ने र अनुबन्धित गर्ने तयारी गरिरहेकाे छ । खेलाडीमा फेरबदल गरी उत्कृष्ट टिम बनाउन लागिपरेको प्रशीक्षक जिनेदिन जिदानले बताउँदै आएका छन् । रियलका ३ विश्वासिला खेलाडीले क्लब छाड्न लागिएको बताइएको छ ।

रियल मड्रिड छाड्न सक्ने ३ खेलाडीहरु

१‍‍. हामेज रोड्रिगेज

२०१४ को विश्वकपपछि रियलमा आएका रोड्रिगेजको प्रदर्शनमा फेरबदल आइरहेको छ । लामो समय चाेटका कारण मैदानबाहिर रहेका रोड्रिगेजले यस सिजनमा १३ खेल मात्रै खेलेका छन् ।

कोलाम्बियाका रोड्रिगेज एभर्टन वा आर्सनल क्लबमध्ये एकमा जान सक्ने अनुमान लगाइएको छ । निरन्तरको खस्किँदो प्रदर्शनका कारण रियलले रोड्रिगेजलाई बेच्न लागेको बताइएको छ ।

२. ग्यारेथ बेल

ग्यारेथ बेल रियलले बेच्न चाहेको दोस्रो खेलाडी हुन् । वेल्सका खेलाडी बेल लामो समयदेखि विवादमा पर्दै आएका छन् । रियलका पूर्व स्टार रोनाल्डोको साथमा उत्कृष्ट प्रदर्शन गर्न सफल बेल रोनाल्डो गएदेखि भने राम्रो खेल्न सकेका छ्रैनन् ।

बेलले केही समयअघि चाइनिज क्लब जाने बताए पनि उनी म्यानचेस्टर युनाइटेड वा टोटेनह्याममध्ये एकमा जानसक्ने बताइएको छ ।

३. लुका जोभिक

सर्बियाका खेलाडी लुका जोभिकले पनि रियलका लागि खासै उत्कृष्ट प्रदर्शन गर्न सकेका छैनन् । जोभिकलाई करिम बेन्जिमाका ठाउँमा खेलाइए पनि उनले राम्रो प्रदर्शन गर्न सकेका छैनन् ।

उनले अहिलेसम्म १४ खेलमा १ गोल मात्र गरेका छन् भने यस समय प्रिमियर लिग क्लबमा अनुबन्धित हुनेबारे योजना बनाइरहेको बताइएको छ ।

अन्तिम अपडेट: कात्तिक १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्