ह्याट्रिक हिराे इलिसिसले एटलान्टालाई च्याम्पिन्स लिगकाे क्वार्टर फाइनलमा पुर्‍याए

फागुन २८, २०७६ बुधबार ७:४४:३२ | उज्यालो सहकर्मी

काठमाण्डाै – भ्यालेन्सियालाई हराउँदै इटालियन क्लब एटलान्टा पहिलाे पटक युरोपेली च्याम्पियन्स लिगको क्वार्टर फाइनलमा प्रवेश गरेकाे छ ।

बन्द रङ्गशालामा भएको खेलमा जाेसिप इलिसिसले चार गोल गर्दा दोस्रो लेगमा एटलान्टा चार–तीनले विजयी भयो । पहिलो लेगमा एटलान्टा चार–एकले विजयी भएको थियो ।

खेलको तेस्रो मिनेटमा नै भ्यालेन्सियाका डिफेन्डर मोक्तार दियाखाबीले डिबक्सभित्र इलिसिसलाई लडाएपछि एटलान्टाले पेनाल्टी पायो । जसलाई इलिसिसले नै गोलमा परिणत गरे ।

२१ औँ मिनेटमा केभिन गामिरोले भ्यालेन्सियाका लागि गोल गर्दै खेल बराबरीमा पुर्‍याए ।

पहिलो हाफ सकिन दुई मिनेटअघि दियाखाबीको ह्याण्डबलका कारण एटलान्टाले अर्को पेनाल्टी पायो । त्यसलाई पनि इलिसिसले गोलमा परिणत गर्दै पहिलो हाफअघि एटलान्टालाई समग्रमा ६–दुईकाे अग्रता दिलाए ।

दोस्रो हाफ सुरु भएको ६ मिनेटमा गामिरोले र ६७ औँ मिनेटमा फेरान टोरेसले गोल गर्दै भ्यालेन्सियालाई खेलमा फर्काउने प्रयास गरेका थिए । तर इलिसिसलाई भ्यालेन्सियाले रोक्न सकेन ।

७१ औँ मिनेटमा २० यार्ड टाढाबाट हानेको प्रहार गोलमा परिणत गर्दै इलिसिसले ह्याट्रिक पूरा गरे । उनी च्याम्पियन्स लिगमा ह्याट्रिक गर्ने पहिलो स्लोभेनियन खेलाडी समेत बने ।

८२ औँ मिनेटमा इलिसिसले अर्को गोल गरेपछि एटलान्टाले समग्रमा आठ–चारको जित निकाल्यो ।

अन्तिम अपडेट: कात्तिक २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्