काेराेना सतर्कता : बी डिभिजन राेक्न राखेपकाे निर्देशन, पाैडी पाेखरी पनि बन्द रहने

चैत ४, २०७६ मंगलबार १६:१९:३६ | उज्यालो सहकर्मी

काठमाण्डाै - कोरोनाको संक्रमणबाट बच्नका लागि राष्ट्रिय खेलकुद परिषद्ले विशेष सावधानी अपनाउन आग्रह गरेको छ ।

परिषदले एक साता कुनैपनि खेलकुद गतिविधि नगर्न, मानिसको हुल नगर्न तथा परिषद्का कर्मचारीलाई अफिस आउँदा पनि मास्क अनिर्वाय लगाउन निर्देशन दिएको छ ।

यसका साथै हाल टोकियो ओलम्पिक छनोटको तयारीमा रहेका खेलहरुको प्रशिक्षण विशेष सुरक्षा अपनाएर गराउन पनि निर्देशन दिएको छ । ओलम्पिक छनोटका लागि तेक्वान्दो र कराँतेका खेलाडी बन्द प्रशिक्षणमा रहेका छन् ।

यस्तै परिषद्ले तत्कालका लागि पौडी पोखरी नखोल्ने भएको छ । गर्मी बढेसँगै बिस्तारै पौडी खेल्नेको संख्या बढ्दै जाने भए पनि परिषद्ले कारोनाको त्रासका कारण अर्को आदेश नहुँदासम्मका लागि पौडी पोखरी नखोल्ने भएको हो ।

यसका साथै बी डिभिजन लिग रोक्न पनि परिषद्ले एन्फालाई पत्राचार गरेको छ । बढ्दो कोरोनाको त्रासका कारण बुधबारबाट नै लिग स्थगित गर्न निर्देशन दिएको परिषद्ले जनाएको छ ।

अन्तिम अपडेट: कात्तिक २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्