'पाकिस्तानी ब्याट्सम्यानले अस्ट्रेलिया, इङ्ग्ल्याण्ड र भारत जस्ता टिमका लागि खेल्न सक्दैनन्'

चैत ६, २०७६ बिहीबार १३:१३:४ | उज्यालो सहकर्मी

काठमाण्डौ – पाकिस्तानी क्रिकेट टिमका पूर्वकप्तान जावेद मियान्दादले पाकिस्तान क्रिकेट बोर्ड (पीसीबी) को नीति र पाकिस्तानी खेलाडीहरुको कडा आलोचना गरेका छन् ।

आफ्नो आधिकारिक युट्युब च्यानलमा पोस्ट गरिएको भिडियोमा मियान्दादले पाकिस्तानका वर्तमान एक ब्याट्सम्यान भारत, अस्ट्रेलिया, इङ्ग्ल्याण्ड, दक्षिण अफ्रिका वा न्युजिल्याण्डको टिमका लागि खेल्न नसक्ने बताए ।

झण्डै ६ मिनेटको भिडियोमा मियान्दादले पाकिस्तान क्रिकेट टिममा राम्रा बलर भए पनि ब्याट्सम्यान भने नभएको बताए ।

जावेद मियान्दादले पाकिस्तानी ब्याट्सम्यान अहमद शहजादको एक बयानलाई जवाफ दिँदै यो कुरा भनेका हुन् ।

शहजादले क्रिकेट पाकिस्तानलाई दिएको एक अन्तर्वार्तामा भनेका थिए, ‘आफ्नो फिटनेस र शैलीलाई ध्यानमा राखेर बोल्दा मलाई लाग्छ, आउँदो १२ वर्षसम्म म पाकिस्तानको नेतृत्व गर्न सक्छु र यो कुरा म बढाइचढाइ गरेर भनिरहेको छैन ।’

मियान्दादले भिडियोमा के भने ?

‘भर्खरै शहजादले १२ वर्षसम्म खेल्न सक्ने बताएका छन् । उनी बालक नै छन्, म उनलाई सम्झाउँछु । खेल्न त तपाईँ २० वर्षसम्म पनि सक्नुहुन्छ, म यसको ग्यारेण्टी लिन्छु । तर क्रिकेट पर्फमेन्सको खेल हो । प्रत्येक दिन पर्फमेन्स दिनुस्, तपाईँलाई कसले निकाल्छ ?’

अन्तिम अपडेट: कात्तिक १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्