महिला राष्ट्रिय लिग फुटबल: सावित्रा भण्डारीको ४ गोलको मद्दतमा एपीएफकाे दाेस्राे जित

साउन ११, २०७५ शुक्रबार २०:७:१ | उज्यालो सहकर्मी

काठमाडौं – सावित्रा भण्डारीको ४ गोलको मद्दतले विभागीय टोली एपीएफ क्लबले राजधानीमा जारी उपराष्ट्रपति कप महिला राष्ट्रिय लिग फुटबलमा लगातार दोस्रो जित निकालेको छ ।

शुक्रबार भएको खेलमा एपीएफले रौतहटलाई ७–० गोल अन्तरले पराजित गर्दै उपाधि यात्रा जारी राखेको हो ।

पहिलो हाफमा १ गोल गरेकी सावित्राले दोस्रो हाफमा तीन गोल थपिन् । यस्तै सरु लिम्बुले दुई गोल गर्दा अनिता बस्नेतले एक गोल थपिन् ।

जारी प्रतियोगितामा एपीएफको यो लगातार दोस्रो जित हो । पहिलो खेलमा एपीएफले काठमाडौंलाई हराएको थियो । जितसँगै एपीएफले ६ अंक जोड्दै लिगको शीर्ष स्थानमा उक्लिएको छ ।

तीन खेलमा पहिलो पराजय ब्यहोरेको रौतहटको पनि ६ अंक नै छ । तर गोलअन्तरका आधारमा एपीएफले उसलाई पछि पारेको हो ।

पहिलो खेलमा काठमाडौंलाई हराउँदा एपीएफले १०–० गोलको जित निकालेको थियो ।

प्रतियोगितामा एपीएफ तथा नेपाली राष्ट्रिय महिला टोलीकी मुख्य स्ट्राइकर सावित्रा भण्डारीले आफ्नो गोलसंख्या ९ पुर्याएकी छन् ।

पहिलो खेलमा ५ गोल गरेकी उनले दोस्रो खेलमा ४ गोल थप्दै गोलसंख्या ९ पुर्याएकी हुन् ।

अन्तिम अपडेट: कात्तिक ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्