अतिक्रमित ४ हेक्टर वन क्षेत्र खाली गराइ तारबार गरियो

जेठ ५, २०७७ सोमबार १७:३९:४९ | हेमराज शर्मा

दाङ – दाङमा अतिक्रमण गरिएको झण्डै चार हेक्टर वन क्षेत्र डिभिजन वन कार्यालय दाङले अतिक्रमण हटाइ तारबार गरेको छ ।

तुलसीपुर उपमहानगरपालिका १ मा रहेको जनता सामुदायिक वनमा झण्डै तीन/चार वर्षदेखि अतिक्रमण भइरहेकाे झण्डै चार हेक्टर वन क्षेत्र हटाइएको डिभिजन वन कार्यालय दाङका सूचना अधिकारी खीमबहादुर केसीले जानकारी दिनुभयो ।

उहाँका अनुसार डिभिजन वन कार्यालय दाङ र सबडिभिजन वन कार्यालय तुलसीपुरबाट गएको टाेलीले झण्डै चार हेक्टर जग्गामा भएको अतिक्रमण हटाइ ती जग्गामा एक हजार रनिङ्ग मिटर काँडेतारले तारबार गरेको छ ।

जनता सामुदायिक वनका तीन/चार जना उपभोक्ताहरुले खेतीपाती गर्ने उद्देश्यले वन क्षेत्र अतिक्रमण गरेको भन्ने सूचनाका आधारमा टोलीले अतिक्रमित वन क्षेत्र खाली गराएको हाे । यस क्षेत्रमा खेतीपाती गर्न सुरु गरिएको थियो ।

वन क्षेत्र कसले अतिक्रमण गरेको भन्ने किटानी नभएको तर तीन/चार घरधुरी उपभोक्ताहरूको मिलेमतोमा अतिक्रमण भएको भन्ने कुरा परारम्भिक अनुसन्धानबाट खुल्न आएको प्रहरीले जनाएको छ ।

यथाशीघ्र उनीहरुकाे पहिचान गरी सामूहिक वनको स्वीकृत कार्य योजना र विधान बमोजिम संलग्नहरूलाई कारबाही गरी डिभिजन वन कार्यालयलाई जानकारी गराउन समूहका पदाधिकारीहरूलाई निर्देशन दिइएको डिभिजन वन कार्यालयका डिभिजनल वन अधिकृत दिपक ज्ञवालीले जानकारी दिनुभयो ।

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्