अब प्रशिक्षकलाई पनि रातो र पहेँलो कार्ड !

साउन १६, २०७५ बुधबार १२:५:३० | उज्यालो सहकर्मी

खेलका दौरान खराब आचरण र अनुशासनहीन हर्कत गरेको अवस्थामा खेलाडीलाई रातो वा पहेँलो कार्ड दिइन्छ । यो कुरा नौलो होइन । तर अब सुरु हुन लागेको सिजनदेखि इंग्लिस क्लबका प्रशिक्षकले पनि त्यस्तो हर्कत गरेको पाइएमा पहेँलो वा रातो कार्ड दिइने निर्णय इंग्लिस फुटबल एसोसियसनले गरेको छ ।

इंग्लिस प्रिमियर लिगमा अनुशासन विपरित कार्य गरेमा प्रशिक्षक तथा व्यवस्थापकलाई मौखिक चेतावनी दिइनेछ । तर एफए कप, लिग कपलगायत अन्य प्रतियोगितामा भने प्रशिक्षकलाई पनि कार्ड देखाइनेछ ।

कार्डको संख्याका आधारमा उनीहरुलाई प्रतिबन्ध पनि लाग्न सक्नेछ । चार वटा पहेँलो कार्ड पाएपछि प्रशिक्षकले एक खेलको प्रतिबन्ध भोग्नु पर्नेछ । तर मैदानमा ठूलो झै–झगडा गरेको अवस्थामा उनीहरुलाई १६ खेल सम्मको प्रतिबन्ध लाग्न सक्ने बताइएको छ ।

अहिले दुई पहेँलो कार्ड पाएमा खेलाडीले एक खेलको प्रतिबन्ध भोग्नु पर्नेछ । प्रतिबन्धित खेलको संख्या उनीहरुले देखाएको व्यवहारका आधारमा समेत निर्धारण हुँदै आएको छ ।

यसअघि प्रशिक्षकले म्याच अफिसियललाई चेतावनी समेत दिँदै आएका थिए । तर अब म्याच अफिसियललाई अनुचित शब्द वा हाउभाउ देखाएमा, पानीको बोटललाई किक हानेमा वा मैदानमा फालेमा पनि उनीहरुले कार्ड पाउन सक्नेछन् ।

अन्तिम अपडेट: कात्तिक २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्