‘एसियन आइकन’ बने भारतीय फुटबल कप्तान सुनिल क्षेत्री, रोनाल्डो र मेस्सीपछि उनकै गोल धेरै

साउन १९, २०७५ शनिबार १०:३९:१७ | उज्यालो सहकर्मी

एसियाली फुटबल महासंघ (एएफसी)ले भारतीय फुटबल टिमका कप्तान सुनिल क्षेत्रीलाई एसियाली आइकन नामाकरण गरेको छ ।

क्षेत्रीको ३४औं जन्मदिनको अवसरमा उनलाई एसियाली फुटबलको सर्वोच्च संस्था एएफसीले यो सम्मान दिएको हो । सन् २००५ देखि भारतीय टिममा रहँदै आएका सुनिलले हालैमात्र एक सय क्याप पार गरेका छन् । समकालीन खेलाडीमा उनी एसियाकै सर्वाधिक गोल कर्ता समेत हुन् ।

सन् २००५ मा पाकिस्तानविरुद्ध डेब्यू गरेका उनले कुल १०१ खेलमा ६४ गोल गरेका छन् । अहिलेसम्म सक्रिय गोलकर्ताको सूचीमा सुनिल क्रिष्टियानो रोनाल्डो र लियोनल मेस्सी भन्दा पछि तेस्रो स्थानमा छन् ।

उनको जन्मदिनलाई सम्झन लायक बनाउनका लागि एएफसीले उनको व्यक्तिगत विवरण, करियरको नालिबेली र उनको प्रदर्शन समेटेको छ ।

‘लियोनल मेस्सी र क्रिष्टियानो रोनाल्डोको युगमा अन्तर्राष्ट्रिय फुटबलमा तेस्रो सर्वाधिक गोल कर्ता बन्नु ठूलो उपलब्धि हो, एसियाली खेलाडी मेस्सीभन्दा एक गोलले मात्र पछि पर्नु एएफसीका लागि गर्वको विषय हो’, एएफसीले लेखेको छ ।

‘भारतीय टिमका सबैभन्दा धेरै खेल खेल्ने र सबैभन्दा धेरै गोल गर्ने खेलाडीको ३४औं जन्मदिन हामी मनाउँदैछौं ।’

‘क्रिकेट मौलाएको भारतमा क्षेत्री फुटबल पृष्ठभूमिान जन्मिएका थिए । उनको पिता भारतीय आर्मी थिए भने आमा र आन्टी नेपालबाट फुटबल खेल्दथे ।’

सुनिलले भारतको आठवटा क्लबबाट खेलेका छन् । यस्तै पोर्चुगलको स्पोर्टिङ सिटीबाट पनि फुटबल खेले । यस क्रममा उनले एएफसी च्यालेञ्ज कप (२००८), साफ कप (२०११, २०१६), आई–लिग (२०१०, २०१३, २०१४, २०१६) जितेका छन् ।

अन्तिम अपडेट: कात्तिक २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्