क्यारेबियन प्रिमियर लिगमा त्रिनबागो नाइटराइडर्सको विजयी सुरुवात

साउन २४, २०७५ बिहीबार १०:४१:६ | उज्यालो सहकर्मी

क्यारेबियन प्रिमियर लिग टी –२० क्रिकेटमा त्रिनबागो नाइटराइडर्ससले विजयी सुरुवात गरेको छ ।

पोर्ट अफ स्पेनमा आजदेखि सुरु भएको खेलमा त्रिनबागोले सेन्ट लुसिया स्टार्सलाई १ सय रनले पराजित गरेको हो ।

टस हारि पहिला ब्याटिङ गरेको नाइटराइडर्सले निर्धारित ओभरमा ६ विकेट गुमाउँदा १९५ रन बनाएको थियो । उसका लागि कुलिन मुन्रोले सर्वाधिक ६८ रन बनाए । ४८ बल खेलेका मुन्रोले ९ चौका तथा १ छक्का प्रहार गरेका थिए ।

यसैगरी दिनेश रामदीन ५० रनमा नटआउट रहे । २७ बल खेलेका रामदीनले २ चौका र ४ छक्का प्रहार गरे ।

सेन्ट लुसियाका मिचेल म्याकक्लेनगम, किरिक्स वीलियम र किरन पोलार्डले समान दुई दुई विकेट लिए ।

१९६ रनको लक्ष्य लिएर जवाफी ब्याटिङमा आएको सेन्ट लुसिया १७.३ ओभरमा अल आउट हुँदै ९५ रनमा समेटियो । लुसियाका लागि एन्डर फ्लेचरले सर्वाधिक १९ रन बनाएका थिए ।

९५ रनमा रोक्ने क्रममा त्रिनबागोका लागि डुयान ब्राभो र फवाड अहमदले तीन तीन विकेट लिए ।

प्रतियोगिता अन्तर्गत आजै पौने ४ बजे गुयना एमेजोन वारियर्स र सेन्टकिट्स एण्ड नेभिस प्याट्रियोट्स भिड्ने छन् ।

अन्तिम अपडेट: कात्तिक २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्