एन्फा नेतृत्वविरुद्ध पूर्व उपाध्यक्ष मणि कुँवरद्वारा मन्त्रालय र राखेपमा उजुरी

साउन २५, २०७५ शुक्रबार १४:९:४४ | उज्यालो सहकर्मी

काठमाडौं – अखिल नेपाल फुटबल संघ एन्फाको नवनिर्वाचित कार्यसमितिको कार्यशैली विधानविपरीत रहेको भन्दै एन्फाका पूर्व वरिष्ठ उपाध्यक्ष मणि कुँवरले युवा तथा खेलकुद मन्त्रालय र राष्ट्रिय खेलकुद परिषदमा उजुरी दिएका छन् ।

कुँवर दक्षिण एसियाली फुटबल संघका उपाध्यक्षसमेत हुन् ।

उनले शुक्रबार मन्त्रालय र राखेपमा उजुरी दर्ता गराएका छन् । उजुरीमा मुख्य गरी पाँच बुँदामा आरोप लगाइएको छ । आफ्नो अभिष्ट पूरा गर्न संसारमै नभएको रेलिगेसनबिनाको लिग सञ्चालन गर्न लागिएकोमा मन्त्री तथा सदस्यसचिवको ध्यानाकर्षण गराइएको छ ।

त्यस्तै एन्फाको विदेश विभाग प्रमुख नवीन पाण्डेले विदेशी नागरिकको हैसियतमा फिफा कंग्रेसमा सहभागी भएको, फिफा विश्वकपका लागि २५० टिकट बिक्री गरिएको भनिए पनि परदर्शी हिसाब नदेखाएको लगायतका आरोपमा सम्बन्धित निकायको ध्यानाकर्षण गराइएको छ ।

निर्वाचन भएको ३ महिना नबित्दै विशेष साधारणसभा बोलाएर एकलौटी एन्फा सञ्चालन गर्न खोजेको आरोप उजुरीमा लगाइएको छ । अनावश्यक ठाउँमा विधान संशोधन गर्न लागिएको, जिल्लाको मताधिकार कटौती गरी प्रदेशमा सार्न खोज्नु फिफा र एएफसीकै प्रचलन मिचिएको, खेलकुद परिषद संघीय संरचनामा गइनसकेको अवस्थामा फुटबल आफ्नो हिसाबमा संघीय संरचनामा जानु अशोभनीय भएको भन्दै ध्यानाकर्षण गराइएको छ ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्