धनलक्ष्मी महर्जन स्मृति राष्ट्रिय स्क्वास प्रतियोगितामा अरहान्त र भावना च्याम्पियन

साउन २६, २०७५ शनिबार १७:५१:५६ | उज्यालो सहकर्मी

काठमाडाैं - धनलक्ष्मी महर्जन स्मृति राष्ट्रिय स्क्वास प्रतियोगितामा अरहान्त केशर सिन्हा र भावना सुनुवार च्याम्पियन बनेका छन् ।

तेस्रो संस्करणमा च्याम्पियन बन्दै पुरुषतर्फ अरहान्त र महिलातर्फ भावनाले उपाधिमा ह्याट्रिक गरे ।

सातदोबाटोमा रहेको स्क्वास कोर्टमा शनिबार भएको पुरुष सिंगल्स तर्फको फाइनलमा अरहान्तले अमृत थापामगरलाई ३–१ को सेटमा पराजित गरे ।

पहिलो सेटमा ११–७ को जित हात पारेका अरहान्तलाई दोस्रो सेटमा भने अमृतले ७–११ ले हराए । त्यसपछिको दुई सेटमा ११–८ र ११–६ को जित हात पार्दै अरहान्त च्याम्पियन बने ।

पुरुषको जुनियर यू–१९ तर्फ अमिर ब्लोन च्याम्पियन बने । फाइनलमा अमिरले विजय मगरलाई ११–९, ११–३ र ११–३ को सोझो सेटमा पाखा लगाए ।

पुरुषकै जुनियर यू–१५ तर्फको फाइनलमा विकास मगरले सलिम थापालाई २–० ले हराउँदै च्याम्पियन बने । विकासले ११–४ र ११–५ को सहज जित निकालेका थिए ।

महिला सिंगल्स तर्फको उपाधि भावना सुनुवारले जितिन् । भावनाले कृष्णा थापामगरलाई ३–० को सोझो सेटमा हराएकी थिइन् ।

कृष्णालाई खेलभरि नै दबाबमा राखेकी भावनाले ११–५, ११–७ र ११–१ ले हराएकी थिइन् । महिला यू–१५ तर्फ सपना ब्लोनले मुस्कान राउतलाई ११–४ र ११–३ ले पराजित गरिन् ।

पुरुष मास्टर खुल्ला ५० वर्षमाथि सुदिप बहादुर सिंह च्याम्पियन बने । उनले दिलिप अधिकारीमाथि ३–० को सहज जित निकाले ।

पुरुषको प्लेट च्याम्पियनसिपको उपाधि अमिर ब्लोनले जिते ।

पुरुषतर्फ पहिलो चरणमा पराजित भएका खेलाडीबीचको प्रतिष्पर्धामा अमिरले विदेशी खेलाडी स्टिभ फ्रान्सिसलाई ३–१ को प्रतिष्पर्धात्मक सेटमा पराजित गरे ।
विजयी खेलाडीलाई नेपाल ओलम्पिक कमिटिका अध्यक्ष जीवनराम श्रेष्ठ, नेपाल स्क्वास राकेट्स संघका अध्यक्ष किशोर महर्जन, ललितपुर महानगरपालिकाका मेयर चिरिबाबु महर्जन लगायतले पुरस्कार वितरण गर्नुभयो ।

नेपाल स्क्वास राकेट्स संघले आयोजना गरेको प्रतियोगितामा पुरुष खुल्ला, महिला खुल्ला, मास्टर खुल्ला पुरुष ५० बर्ष भन्दा माथि, जुनियर ब्वाईज अन्डर १९, जुनियर ब्वाईज अन्डर १५, जुनियर गल्र्स अन्डर १५ तथा प्लेट गरी ७ विधामा प्रतिस्पर्धा भएको थियो ।

अन्तिम अपडेट: कात्तिक २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्