इंग्लिस प्रिमियर लिग: लिभरपुलले वेस्टह्यामलाई ४–० ले पाखा लगायाे

साउन २८, २०७५ सोमबार ६:३४:३० | उज्यालो सहकर्मी

इंग्लिस प्रिमियर लिग फुटबलमा लिभरपुल विजयी भएको छ ।

अाइतबार राति भएको खेलमा लिभरपुलले वेस्टह्यामलाई ४–० को फराकिलो अन्तले पराजित गरेको हो ।

लिभरपुलको जितमा साडियो मानेले २ गोल गर्दा मोहमद सलाह र डेनियल स्टरिजले एक एक गोल गरे । पहिलो हाफको १९ औं मिनेटमा मोहमद सलाहले सुरुआती गोल गरेका थिए । उनले एन्ड्रयू रोबर्टसनको पासमा गोल गरेका हुन् ।

यसैगरी पहिलो हाफको अतिरिक्त समयमा साडियो मानेले लिभरपुलको अग्रता दोब्बर पारे । मानेले जेम्स मिल्नरको पासमा गोल गर्दै पहिलो हाफमा २–० को अग्रता बनाए ।

यसैगरी मानेले नै ५३ औं मिनेटमा रोबर्टो फरमिनोको पासमा गोल गर्दै ३–० को अवस्थामा पुर्‍याएका थिए । मोहमद सलाहलाई रिप्लेस गर्दै मैदान छिरेका डेनियल स्टरिजले टिमकालागि ८८औै मिनेटमा चौथो गोल गरेका थिए ।

अाइतबार नै साउथह्याम्पटन र बर्नबीच भएको अर्को खेल भने गोल रहित बराबरीमा रोकिएकाे छ ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्