सन्दीपले उत्कृष्ट प्रदर्शन गरे पनि उनकाे टिमले हार्‍याे

साउन ३१, २०७५ बिहीबार ११:१५:८ | उज्यालो सहकर्मी

नेपाली युवा लेग स्पिनर सन्दीप लामिछानेले उत्कृष्ट बलिङ गर्दै २ विकेट लिए पनि उनको टिम सेन्ट किट्स एन्ड नेभिस प्याट्रियट्सले भने क्यारेबियन प्रिमियर लिगमा दोस्रो हार भोगेको छ ।

बिहिबार बिहान भएको खेलमा सन्दीपको टिम प्याट्रियट्स जमैका तल्वाहाससँग ४७ रनले पराजित भयो । टस हारेर पहिले ब्याटिङ गरेको जमैकाले पुरै २० ओभर खेल्दै ४ विकेट गुमाएर १७८ रन जोडेको थियो । जमैकाका लागि रोस टेलरले अविजित ५१ रन जोड्दा केन्नर लेविस ४९ रन जोडे । यस्तै ग्लेन फिलिप्सले ४१ रन बनाए ।

प्याट्रियट्सले सन्दीपले २ विकेट लिए । सन्दीपले ४ ओभर बलिङ गर्दै २१ रन खर्चेर २ विकेट लिएका हुन् । सन्दीपले पहिलो ओभरमा १० रन खर्चे पनि दोस्रो ओभरमा आठ रन खर्चेर २ विकेट लिए । उनले लेविस र म्याकार्थेलाई आउट गरे । सीपीएल क्रिकेटमा सन्दीपको यो पाँचौ विकेट हो ।

जमैकाले दिएको १७९ रनको लक्ष्य पक्ष्याएको प्याट्रियट्सले पुरै २० ओभर खेल्दै ९ विकेट गुमाएर १३१ रन मात्र बनाउन सक्यो । प्याट्रियट्सका कप्तान क्रिस गेलले २४ तथा मोहमद महमुदउल्लाहले २२ रन जोडे । सन्दीप लामिछाने २ रनमा अविजित रहे । जमैकाका इमाद विसम, क्रिश्मार सन्टोकी र एडम जाम्पाले २र२ विकेट लिए ।

यो हारपछि सीपीएल क्रिकेटमा सन्दीपको टिम प्याट्रियट्स ३ खेलबाट २ अंक जोडेर पाँचौ स्थानमा छ । जितपछि जमैका ६ अंक जोडेर शीर्ष स्थानमा उक्लिएको छ ।

अन्तिम अपडेट: कात्तिक १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्