बोका जुनियर्सलाई हराउँदै जोआन ग्याम्पर ट्रफीको उपाधि बार्सिलाेनाले जित्याे

साउन ३१, २०७५ बिहीबार १२:५७:२३ | उज्यालो सहकर्मी

जोआन ग्याम्पर ट्रफीको उपाधि बार्सिलोनाले जितेको छ ।

अर्जेन्टिनाको बोका जुनियर्सलाई ३–० ले हराउँदै बार्सिलोनाले जितेको हो । जोआन ग्याम्पर ट्रफी बार्सिलोनाका संस्थापक, खेलाडी तथा पूर्व अध्यक्ष जोआन ग्याम्परको सम्मानमा क्लबले ला लिगा सिजन सुरु हुनु केही दिन अघि नोउ क्याम्पमा खेल्दै आएको छ ।

लियोनल मेस्सी, फिलिपे कोउटिन्हो र जेरार्ड पिके जस्ता महत्वपूर्ण खेलाडीलाई पहिलो एघारमा उतारको बार्सिलोनाका लागि पहिलो गोल भने माल्कमले गरेका थिए । हालैमात्र ब्राजिलियन क्लब बोर्डोबाट ३६.५ मिलियन पाउण्डमा बार्सिलोना आएका माल्कमले १८औं मिनेटमा गोल गर्दै घरेलु टिमलाई अग्रता दिलाएका थिए । लियोनल मेस्सीको पासमा उनले गोल गरेका थिए ।

मेस्सीले ३९औं मिनेटमा गोल गर्दै बार्सिलोनाको अग्रता दोब्बर बनाए । पहिलो हाफमा दुई गोल गरेको बार्सिलोनाले दोस्रो हाफमा एक गोल थप्यो । ६५औं मिनेटमा मैदान प्रवेश गरेका लुइस स्वारेजको पासमा राफिन्हाले गोल गर्दै बार्सिलोनाको ३–० को जित सुनिश्चित गराए ।

ला लिगामा बार्सिलोनाले शनिबार डिपोर्टिभो एल्भेसविरुद्धको खेलबाट नयाँ सिजन सुरु गर्दैछ ।

अन्तिम अपडेट: कात्तिक १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्