यू–१५ साफ च्याम्पियनसिप महिला फुटबल: नेपाल सेमिफाइनलबाट बाहिरियाे

साउन ३१, २०७५ बिहीबार १८:१३:५७ | उज्यालो सहकर्मी

नेपाल यू–१५ साफ च्याम्पियनसिप महिला फुटबलको सेमिफाइनबाट बाहिरिएको छ ।

फाइनल प्रवेशका लागि बिहीबार भएको खेलमा भारतसँग २–१ गोल अन्तरले पराजित भएपछि नेपालको यात्रा सेमिफाइनल भन्दा अघि बढ्न सकेन ।

तुलनात्मक रुपमा बलियो मानिएको भारतविरुद्ध नेपालको प्रदर्शन भने राम्रो रहेको थियो ।

पहिलो हाफको ३१औं मिनेटमा भारतका लागि लिण्डा कोमले गोल गर्दै शुरुवाती अग्रता दिलाएकी थिइन् । तर १ गोलले पछि परेको ६ मिनेटमै नेपालले बराबरी गरेको थियो ।

३७औं मिनेटमा रजनी ठोकरले बराबरी गोल गरेकी हुन् । पहिलो हाफ १–१ गोलको बराबरीमा सकिए पनि दोस्रो हाफमा भारतले थप १ गोल गर्दै फाइनलमा स्थान बनाएको हो ।

भारतका लागि ५८औं मिनेटमा कृतिना देवीले गोल गर्दै भारतलाई फाइनलमा पुर्‍याएकी हुन् । भारतले अब उपाधिका लागि बंगलादेश र भुटानको विजेतासँग भिड्ने छ ।

पहिलो संस्करणमा भारतले उपाधि जित्दा बंगलादेश उपविजेता भएकाे थियाे ।

अन्तिम अपडेट: कात्तिक १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्