यू–१५ साफ महिला च्याम्पियनसिप: नेपाल तेस्राे स्थानकाे खेलमा भुटानसँग पराजित

भदौ २, २०७५ शनिबार १८:५३:२ | उज्यालो सहकर्मी

अण्डर-१५ साफ महिला च्याम्पियनसिप अन्तर्गत तेस्रो स्थानको प्लेअफमा नेपाल भुटानसँग पराजित भएको छ ।

भुटानको थिम्पुमा भएको खेलमा नेपाल घरेलु टिमसँग पेनाल्टीमा ४–३ ले पराजित भयो । पेनाल्टी सुटआउटमा भुटानकी गोलकिपर किन्जाङ् देमाले दुईवटा प्रहार रोकेपछि नेपालले पराजय भोग्नु परेको हो । उनले नेपालकी सविता रानामगर र चन्द्रा भण्डारीको प्रहार रोकेकी थिइन् ।

निर्धारित समयको खेल २–२ गोलको बराबरीमा टुंगिएपछि सोझै पेनाल्टी खेलाइएको थियो । खेलको तेस्रो मिनेटमा भुटानले अग्रता लिएको थियो । देकी याङ्डनले गोल गर्दै भुटानलाई अग्रता दिलाइन् । दोस्रो हाफको सुरुमा नै नेपाल खेलमा फर्कियो ।

चन्द्रा भण्डारीले गोल गर्दै खेल बराबरीमा पुर्‍याइन् । ५५औं मिनेटमा चन्द्राले ब्यक्तिगत दोस्रो खेल गर्दै नेपाललाई अग्रता दिलाइन् । तर ६६औं मिनेटमा नेपाली गोलकिपरको गल्तिको फाइदा उठाउँदै येशी विधाले गोल गरिन् र खेल बराबरीमा पुग्यो ।

पेनाल्टीमा भुटानका लागि सोनम ल्हामो, छिरिङ याङचेन, येसी विधा र छिरिङ ल्हादोनले गोल गरेका थिए भने शेराब पेल्मोको प्रहार नेपाली गोलकिपरले बचाएकी थिइन् । नेपालका लागि सरस्वती हमाल, प्रिति राई र सलोनी रानामगरले मात्र गोल गरे ।

अन्तिम अपडेट: कात्तिक २३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्