चेल्सीले आर्सनललाई हरायो, प्रशिक्षक सार्री भन्छन् ‘यही पाराले उपाधि जित्न गाह्रो छ’

भदौ ३, २०७५ आइतबार ७:१८:५८ | उज्यालो सहकर्मी

इंग्लिस प्रिमियर लिग फुटबलमा चेल्सीले आर्सनललाई ३–२ ले हराएको छ । गएराति भएको निकै प्रतिस्पर्धात्मक खेलमा चेल्सीलाई जिताउन पेद्रो, मोराटा र ओलोन्सोले गोल गरे ।

खेलको ३७ औ मिनेटसम्म चेल्सीले २ शून्यको अग्रता लिएको थियो तर आर्सनलका म्खित्र्यानले ३७ औ र इवोभीले ४१ औ मिनेटमा गोल गर्दै पहिलो हाफसम्मको खेल २–२ को बराबरीमा पुर्याए । २ शून्यले पछि परेको अवस्था उल्ट्याए पनि अन्ततः आर्सनलले हार भने टार्न सकेन । ८० मिनेटसम्म बराबरीमा रहेको खेलको ८१ औँ मिनेटमा ओलोन्सोले गोल थपे । यहि गोल चेल्सीका लागि विजयी गोल बन्यो । र, २ खेलबाट ६ अंक बनाउँदै चेल्सी अंक तालिकाको शीर्ष स्थानमा उक्लियो ।

तर चेल्सीका प्रशिक्षक मोउरिजिओ सार्रीले प्रिमियर लिगको उपाधि जित्न चेल्सीलाई सजिलो नभएको प्रतिक्रिया दिएका छन् । म्यानचेष्टर सिटीको उपाधि जोगाउने यात्रा रोक्न र चेल्सीले उपाधि जित्न चेल्सीका खेलाडीले अझै धेरै सुधार गर्नुपर्ने उनको भनाई छ ।

आजको खेल ७५ औ मिनेटसम्म रमाइलो भएपनि त्यसपछिको १५ मिनेट भने भयानक रहेको सार्रीको टिप्पणी छ ।

खेलको शुरुवाती २० मिनेटमै २ गोल गरे पनि त्यसपछि पहिलो हाफभित्रै २ गोल खाएको प्रति सार्री असन्तुष्ट देखिएका थिए । तर टिमप्रति आशावादी हुँदै उनले भने – ‘अबका २ महिनामा टिमले कमजोरी सुधार्ने र आर्सनलसँगको शुरुवाती २५ मिनेटको जस्तै खेल प्रस्तुत गर्नेमा आफू आशावादी छु ।’

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्