घरेलु मैदानमा ब्राइटनकाे नमूना प्रदर्शन, हार्‍याे म्यानचेस्टर युनाइटेड

भदौ ४, २०७५ सोमबार ९:१८:५८ | उज्यालो सहकर्मी

इंग्लिस प्रिमियर लिग अन्तर्गत नयाँ सिजनको खेलमा म्यानचेस्टर युनाइटेड ब्राइटनसँग पराजित भएको छ ।

घरेलु दर्शकमाझ ब्राइटनले उत्कृष्ट खेलको नमूना प्रस्तुत गरेको थियो । ब्राइटनको शानदार प्रदर्शनसामू युनाइटेड ३–२ गोलले निराश बन्यो ।

ब्राइटनले स्टार खेलाडीले भरिएको युनाइटेडबिरुद्ध पहिलो हाफमै तीन गोल गरेको थियो । २७ औं मिनेटमा ग्लेन मुर्रेले घरेलु दर्शकलाई खुसी तुल्याउँदै गोल गरेको दुई मिनेटपछि नै सेन डफ्फीले अर्को गोल थपे ।

३४औं मिनेटमा रोमेलु लुकाकुले गोल गरी गोल अन्तर २–१ मा झारे । यद्यपी ४४औं मिनेटमा ब्राइटनले पेनाल्टी पायो । जसलाई पास्कल ग्रसले सहजै गोलमा परिणत गरे ।

पहिलो हाफमा ३–१ को अग्रता बनाएको ब्राइटनले दोस्रो हाफको अन्त्यसम्म युनाइटेडलाई गोल गर्ने अवसर दिएन । तर, अन्तिम मिनेटमा युनाइटेडले पाएको पेनाल्टी अवसरमा पाउल पोग्वाले गोल गरी गोलअन्तर छोट्याए पनि हार टार्न सकेनन् ।

युनाइटेडले गएको सिजनमा पनि ब्राइटनसँग पराजय ब्यहोरेको थियो ।

अन्तिम अपडेट: कात्तिक २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्