उसु खेलाडी निमाको नयाँ राष्ट्रिय कीर्तिमान, गौरीका हिट चरणबाटै बाहिरिइन्

भदौ ४, २०७५ सोमबार १२:५१:५६ | उज्यालो सहकर्मी

काठमाडौं – निमा घर्ती मगरले नेपाली उसुको थाउलोको नान्डोतर्फ नयाँ राष्ट्रिय कीर्तिमान कायम गरेकी छिन् ।

आज भएको प्रतिस्पर्धामा ९.१७ अंकका साथ निमाले कीर्तिमान बनाएकी हुन । इन्डोनेसियाको जकार्तामा जारी एसियन गेम्समा नेपाली खेलाडी बनाएको यो पहिलो किर्तिमान हो ।

दक्षिण एसियाली खेलकुद सागकी स्वर्ण विजेता निमाले हिजो नानक्वानमा निराशाजनक प्रदर्शन गरेकी थिइन् । तर आज भने उनले नयाँ राष्ट्रिय कीर्तिमान कायम गरेकी पनि १२ खेलाडी मध्ये एघारौँ स्थानमा रहिन् ।

यता पौडीमा सागकी पदक विजेता खेलाडी गौरीका सिंह हिट चरणबाट नै बाहिरीएकी छिन । महिला १०० मिटर फ्रिस्टालमा दोस्रो हिटमा रहेकी गौरीका छैटौं स्थानमा रहिन । उनले निर्धारीत दुरी १ मिनेट ८२ मिलिसेकेण्डमा पूरा गरिन् ।

यही विधा अन्तर्गत अर्की पौडीवाज टिसा शाक्य पनि हिट चरणबाट नै बाहिरीएकी छिन । चौथो हिटमा प्रतिस्पर्धा गरेकी उनी पुछारमा रहित । उनले दुरी एक मिनेट ३.९६ सेकेण्डमा पूरा गरिन् ।

एसियाडमा नेपालले आज पदकको आशा गरिएको प्याराग्लाईडिङमा प्रतिस्पर्धा गर्दैछ ।

पहिलो पटक एशियाडमा समावेश गरिएको खेल अन्तर्गत नेपालले चार वटा विधामा सहभागिता जनाउँदैछ । जसमा पुरुष व्यक्तिगत एक्युरेसी र पुरुष टिम एक्युरेसीमा प्रतिष्पर्धा गर्दैछ ।

पुरुष एकल तर्फ नेपालका दुई खेलाडी विजय गौतम र सुसिल गुरुङले प्रतिस्पर्धा गर्नेछन । यस्तै ५ खेलाडी सम्मिलित टिम इभेन्ट्समा नेपालबाट विमल अधिकारी, विजय गौतम, सुसिल गुरुङ, युकेश गुरुङ र विशाल थापा रहेका छन ।

यस्तै महिला तर्फ त्रिशा श्रेष्ठ र प्रतिभा भुजेलले खेल्दैछन । महिला तर्फ प्रतिभा, त्रिशा र सविता तामाङको टिमले टिम इभेन्ट्समा भाग लिदैछन ।

यस्तै ब्याडमिन्टन तर्फ नेपालले पुरुष टिम इभेन्टको क्वार्टर फाइनलमा चाइनिज ताइपेइको सामना गर्दैछ । यसअघिको खेलमा पाकिस्तानलाई हराएको नेपाली टिममा दिपेश धामी, विकास श्रेष्ठ, रत्नजीत तामाङ र नवीन श्रेष्ठ छन् ।

सुटिङ अन्तर्गत पुरुष १० मिटर एयर राइफलको छनोट चरणमा नेपालका सुशे चौधरीले प्रतिष्पर्धा गर्दैछन् । छनोट चरणमा ४४ खेलाडी छन् ।

महिलाको १० मिटर एयर राइफलको छनोट चरणमा कल्पना परियार र सुश्मिता नेपालले पनि आफ्नो चुनौति प्रस्तुत गर्नेछन् ।

तेक्वान्दोको पुरुष ५८ केजी मुनि तौल समुहमा नेपालका सागर गुबाजु प्रिक्वार्टर फाइनलमा पुगेका छन् । पहिलो चरणमा उनले भुटानका तेन्जिन दोर्जीलाई हराए । उनले आजै क्वार्टर फाइनल प्रवेशका लागि भियतनामका खेलाडीसँग प्रतिस्पर्धा गर्नेछन् ।

त्यस्तै महिला ५३ केजी मुनिमा नेपाली खेलाडी निमा गुरुङ लेवननकी लेटिटिया आउनसँग पराजित हुँदै बाहिरिइन् । यस्तै ६७ केजी मुनिको भिडन्तमा संगीता बस्याल फिलिपिन्सकी खेलाडीसँग पराजित भइन् ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्