सहकारी प्रकरणमा मुछिएका दीपेश पुन धराैटी बुझाएर रिहा
बैशाख १४, २०८१ शुक्रबार
धादिङ – आफ्नो भतिजी नाता पर्ने एक १४ वर्षीया बालिकालाई बलात्कार गर्न खोज्ने सिद्धलेक गाउँपालिका–५ कुम्पुरका १८ वर्षीय पुरुषलाई प्रहरीले पक्राउ गरेको छ ।
उनले बालिकाको आमा बच्चा बिरामी भएर उपचारका लागि गएको र बुबा विदेश गएकोले घरमा एक्लै भएको मौका पारी मंगलबार दिउँसो बलात्कारको प्रयास गरेका थिए ।
बलात्कारको प्रयास गर्दा मारिदिने धम्की दिएपछि पीडितले प्रतिकार गर्ने र आरोपीले बलात्कार गर्न खोज्दा पीडित बालिका घाइते भएको जनाइएको छ । घाइते बालिकालाई गाउँबासीले उद्धार गरी जिल्ला अस्पताल पुर्याएका थिए ।
पीडित बालिकाको जिल्ला अस्पताल र धादिङ सामुदायिक आँखा अस्पतालमा उपचार भएको छ ।
आरोपीले जबरजस्ती गर्न खोज्दा बालिकाको दुवै आँखामा रगत जमेको छ भने घाँटीमा निलडाम हुनेगरि घाउ भएको छ ।
घटनापछि पीडित पक्षले बुधबार जाहेरी दर्ता गराएको छ भने आरोपीलाई प्रहरीले गिरफ्तार गरी हिरासतमा लिएर अनुसन्धान सुरु गरिएको जिल्ला प्रहरी कार्यालयका प्रहरी नायब उपरीक्षक रामबहादुर केसीले जानकारी दिनुभयो ।
आरोपी पीडितको काका पर्ने भएकोले करणी उद्योग र हाडनाता करणी उद्योगमा जिल्ला प्रहरी कार्यालयमा मुद्दा दर्ता गरिएको छ ।
धादिङका पत्रकार सिताराम अधिकारी उज्यालोका जिल्ला सम्वाददाता हुनुहुन्छ ।