वेष्ट इण्डिजद्वार विश्व एघार पराजित

सन्दीपले जोडे ४ रन

जेठ १८, २०७५ शुक्रबार ६:५४:१८ | उज्यालो सहकर्मी

जेठ १८ – वेष्ट इण्डिज विरुद्धको च्यारिटी म्याचमा विश्व एघार पराजित भएको छ । नेपाली युवा स्टार सन्दीप लामिछानेले ब्याटिङ र बलिङ दुवै मौका पाएको खेलमा विश्व एघार ७२ रनले पराजित भयो ।

टस हारेर ब्याटिङको निम्तो पाएको वेष्ट इण्डिजले २० ओभरमा ४ विकेट गुमाउँदै १ सय ९९ रन बनाएको थियो । वेष्ट इण्डिजका लागि इर्भिन लुइसले ५८ रन, दिनेश रामदिनले ४४ रन, मर्लुस सामुयल्सले ४३ रन, क्रिश गेलले १८ रन, एन्ड्रु रसेलले २१ रन तथा आन्द्रे फ्लेचरले ७ रन बनाएका थिए ।

बलिङतर्फ रसिद खानले २ विकेट लिए भने शोहिव मलिक र शाहीद अफ्रिदीले १–१ विकेट हात पारे ।

२०० रनको लक्ष्य पछ्याएको विश्व एघार १६.४ ओभरमा १ सय २७ रनमा अलआउट भयो । विश्व एघारका लागि थिसरा परेराले सर्वाधिक ६१ रनको योगदान दिए भने सोहिब मलिकले १२, शाहीद अफ्रिदीले ११, मिचेल म्याकलेनाघनले १०, रसिद खानले ९, साम बिलिङ्सले ४ तथा सन्दीप लामिछानेले अविजित ४ रनको योगदान दिए । दिनेश कार्तिमक शून्यमै आउट भएका थिए ।

बलिङतर्फ केस्रिक विलियम्सले ३ विकेट लिए भने सामुयल बद्री र एन्द्रे रसेलले २–२ विकेट हात पारे । किमो पाउल र कार्लोस ब्राथवेटले पनि १–१ विकेट लिए ।

गएको वर्ष वेष्ट इण्डिजमा आएको आँधीका कारण भत्किएको रंगशाला निर्माणमा सहयोग जुटाउन इंग्ल्याण्डको लड्र्समा खेल आयोजना भएको थियो । यो खेलका लागि विश्व क्रिकेटमा प्रभाव जमाएका भेट्रान तथा युवा खेलाडीलाई सम्मेलित गरी टिम बनाइएको थियो । जुन टिममा नेपाली युवा लेग स्पीनर सन्दीप लामिछाने पनि परेका थिए ।

१३औं ओभर बलिङ गर्दा सन्दीपको अगाडि दिनेश रामदिन र मर्लुन सामुयल्स थिए । पहिलो तीन बलमा एक एक रन खर्चिएका सन्दीपको चौथो बलमा सामुयल्सले छक्का प्रहार गरेका थिए । उनले पाँचौं बलमा तीन रन खर्चिए भने छैटौं बल डट फाले । उनले कुल १२ रन दिएका थिए ।

पहिलो पटक अन्तर्राष्ट्रिय टि–२० मा ब्याटिङ गरेका सन्दिपले अविजित ४ रनको योगदान दिए । रसिद खान आउट भएपछि क्रिजमा आएका सन्दीपले केस्रिक विलियम्सको बलमा एक रन लिएका थिए भने एश्ले नर्सको बलमा तीन रन लिएका थिए ।

अन्तिम अपडेट: कात्तिक १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्