प्रधानमन्त्री कपमा बिनोद भण्डारीको विष्फोटक ब्याटिङ

जेठ १८, २०७५ शुक्रबार १६:२:६ | उज्यालो सहकर्मी

काठमाडौं, जेठ १८ – प्रधानमन्त्री कप एकदिवसीय राष्ट्रिय क्रिकेट प्रतियोगितामा त्रिभुवन आर्मीले प्रदेश नम्बर १ विरुद्ध २२६ रनको विजय लक्ष्य प्रस्तुत गरेको छ ।

काठमाडौंमा जारी प्रतियोगितामा पहिलाे पारीमा त्रिभुवन आर्मी क्लबका कप्तान बिनोद भण्डारीको विष्फोटक पारीको सहयोगमा आर्मीले २२६ रनको विजय लक्ष्य प्रस्तुत गर्न सकेको हो ।

त्रिवि मैदानमा वर्षाका कारण ३८ ओभरमा छोट्याइएको खेलमा टस जितेर पहिले ब्याटिङ गरेको आर्मीले निर्धारित ३८ ओभरमा ९ विकेट गुमाएर २२५ रनको योगफल बनायो ।

आर्मी क्लबका लागि आठौं नम्बरमा ब्याटिङमा आएका कप्तान बिनोद भण्डारीले विष्फोटक पारी खेल्दै २९ बलमा ६४ रन बनाए । अन्तिम ओभरको पाँच बलमा भण्डारीले सबै बल बाउण्ड्री कटाएका थिए भने अन्तिम बलमा आउट भएका थिए । । यो योगफलका लागि उनले जम्मा ६ छक्का र ४ चौका प्रहार गरे ।

ओपनर सागर पुन ८ रनमै आउट भएपछि क्रिजमा आएका नरेश बुढायरले अर्का ओपनर अनिल मण्डलसँग मिलेर ५२ रनको साझेदारी गरे । मण्डल ३६ रनमा आउट भएपछि आएका राजु रिजालले पनि ४ रनमात्र बनाउन सके । चौथो विकेटका रुपमा नरेश बुढायर व्यक्तिगत ३२ रनमा आउट हुँदा आर्मी २५.१ ओभरमा ८८ रनको स्थितिमा थियो ।

आर्मी क्लबका मध्यक्रमका ब्याट्सम्यान भीम सार्कीले १४ र सोमपाल कामीले २२ रन बनाएका थिए । आर्मीका लागि बिक्रम सोबले पनि १६ रन जोडेका थिए ।

बलिङतर्फ प्रदेश १ का मनोज तामाङले ३ विकेट लिए भने मिनास थापा र फिर्दोस अन्सारीले २–२ विकेट लिए ।

प्रदेश नम्बर १ ले जवाफी ब्याटिङ सुरु गरेको छ ।

अन्तिम अपडेट: कात्तिक १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्