भारतविरुद्धको टेस्ट सिरिज इंग्ल्याण्डकाे पक्षमा, चौथो टेस्टमा इंग्ल्याण्ड ६० रनले विजयी

भदौ १८, २०७५ सोमबार ७:५१:५० | उज्यालो सहकर्मी

भारतविरुद्धको चौथो टेस्टमा ६० रनको जित निकालेसँगै इंग्ल्याण्डले पाँच टेस्टको श्रृंखला ३–१ ले आफ्नो पक्षमा पारेको छ ।

अाइतबार राति भारत १८४ रनमा अल आउट भएको थियो । सन् २००७ मा राहुल द्रविडको कप्तानीमा भारतले इंग्ल्याण्डमा टेस्ट श्रृंखला जितेको थियो ।

त्यस यता भारतले इंग्ल्याण्डमा टेस्ट श्रृंखला जित्न सकेको छैन । टस जितेर पहिला ब्याटिङ गरेको इंग्ल्याण्डले पहिलो पारीमा २४६ रन बनाएको थियो ।

भारतले पहिलो पारिमा चेतेश्वर पुजाराको शतकको मद्दतले २७३ रन बनाए पछि २७ रनको अग्रता लिएको थियो । तर इंग्ल्याण्डले दोस्रो पारीमा २७१ रन जोडेपछि भारतले २४५ रनको लक्ष्य पाएको थियो ।

लक्ष्य पछ्याउने क्रममा भारतका कप्तान विराट कोहलीले ५८ तथा अजिंक्य रहाणेले ५१ रन बाहेक अरुले उत्कृष्ट पारी खेल्न सकेनन् ।

भारतले अन्तिम ७ विकेट जम्मा ६१ रन जोड्दा गुमाएपछि हार्न बाध्य भयो । भारतलाई रोक्ने क्रममा इंग्ल्याण्डका मोइन अलिले सर्वाधिक ४ विकेट लिएका थिए ।

अब अन्तिम टेस्ट ११ सेप्टेम्बरदेखि शुरुहुने छ ।

अन्तिम अपडेट: कात्तिक १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्