अभ्यास खेलमा जर्मनी पराजित, इंग्ल्याण्डसँग नाइजेरिया पनि हार्‍याे

जेठ २०, २०७५ आइतबार ७:०:४४ | उज्यालो सहकर्मी

जेठ २० – विश्वकप अघिको मैत्रिपूर्ण खेलमा अष्ट्रियासँग जर्मनी पराजित भएको छ । गएको सेप्टेम्बरमा खुट्टा भाँचिएपछि पहिलो पटक मैदानमा उत्रिएका मानुयल नेयुर उपस्थित खेलमा अष्ट्रियाले जर्मनीसँग २–१ को जित हात पार्‍याे

पहिलो हाफमा एक गोलले पछि परेको अष्ट्रियाले दोस्रो हाफमा दुई गोल गर्दै कमब्याक गरेको थियो । ११ औं मिनेटमा मेसुट ओजिलले गोल गर्दै जर्मनीलाई अग्रता दिलाएका थिए ।

पहिलो हाफभरी सोही अग्रता कायम राख्न सफल जर्मनीविरुद्ध ५३ औं मिनेटमा मार्टिन हिन्टेरेगरले गोल गर्दै खेल बराबरीमा पर्याए । ६९औं मिनेटमा अलेसान्द्रो स्कुफले गोल गरेपछि खेलमा अष्ट्रियाले २–१ को अग्रता लियो । त्यसपछि गोल हुन नसक्दा जर्मनी पराजित हुन पुग्यो ।

जर्मनीविरुद्ध अष्ट्रियाको ३२ वर्षमा पहिलो जित हो ।

यस्तै, शनिबार रातिको मैत्रिपूर्ण खेलमा इंग्ल्याण्डले नाइजेरियालाई हरायो ।

लण्डनको विम्ब्ली रंगशालामा भएको खेलमा घरेलु टिम इंग्ल्याण्डले नाइजेरियालाई २–१ ले हरायो । ग्यारी केहिलले सातौं मिनेटमा गोल गर्दै इंग्ल्याण्डलाई अग्रता दिलाएका थिए । ३९औं मिनेटमा कप्तान ह्यारी केनले गोल गर्दै इंग्ल्याण्डको अग्रता २–० मा लम्ब्याए ।

पहिलो हाफमा २ गोलको अग्रता लिएको इंग्ल्याण्डले दोस्रो हाफको सुरुवातमा नै गोल खायो । ४७ औं मिनेटमा एलेक्स इओबीले गोल गर्दै इंग्ल्याण्डको अग्रता २–१ मा छोट्याएका थिए । तर त्यसपछि गोल हुन नसक्दा इंग्ल्याण्ड विजयी भयो ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्