हिमालयन शेर्पालाई हराउँदै थ्री स्टार पाँचाैँ स्थानमा उक्लियाे

पुष २५, २०७८ आइतबार १९:४८:३६ | उज्यालो सहकर्मी

काठमाण्डाै – थ्री स्टार फुटबल क्लबले शहीद स्मारक 'ए' डिभिजन लिगमा आज आइतवारको खेलमा हिमालयन शेर्पालाई हराएकाे छ ।

त्रिपुरेश्वरमा रहेकाे दशरथ रङ्गशालमा भएकाे खेलमा थ्री स्टारले हिमालयन शेर्पालाई दुई–शून्य गाेलले हराएकाे हाे । थ्री स्टारलाई जित दिलाउन अघिल्लो खेलमा मात्र अनुबन्ध भएका घानेफो अन्सुमाना क्रोमाले एक गोल गरे भने अर्काे एक गोल आत्मघाती उपहार पाएको थियो । हिमालयन शेर्पाका गाेलरक्षक अमृत श्रेष्ठले क्लियर गर्ने खोजेको बल गोलमा परिणत हुँदा थ्री स्टारले ५६ औँ मिनेटमा आत्मघाती गोलबाट सुरुवाती अग्रता बनाएको थियो । थ्री स्टारका ऋतिककुमार खड्काले अघि बढाएको बल अमितलाई लाग्दै गोलमा परिणत भएको थियो ।

त्यसपछि प्रतिस्पर्धात्मक बनेको खेलमा हिमालयन शेर्पा खेलमा फर्किन प्रयास गरे पनि सफल हुन सकेन । १० मिनेट थपिएको इन्जुरी समयको छैटौँ मिनेटमा अन्सुमानाले गोल गर्दै थ्री स्टारलाई दुई–शून्यको जित निश्चित गराए ।

याे जितसँगै थ्री स्टारले आठ खेलमा १३ अङ्क जोडेको छ । थ्री स्टार पाँचौँ स्थानमा उक्लिएको छ । हिमालयन शेर्पाकाे आठ खेलमा ११ अङ्क छ । शेर्पा छैटौँ स्थानमा झरेको छ ।

अन्तिम अपडेट: कात्तिक १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्