स्पेनिस ला लिगामा रियल मड्रिड र बार्सिलोना विजयी

माघ २४, २०७८ सोमबार ६:५५:४८ | उज्यालो सहकर्मी

स्पेनिस ला लिगा फुटबलमा रियल मड्रिड विजयी भएको छ । गएराति भएको खेलमा रियल मड्रिडले ग्रानडालाई १–० गोल अन्तरले पराजित गरेको हो ।

खेलको ७४औँ मिनेटमा रियलका मार्को एसेन्सियोले गरेको गोल नै जितका लागि निर्णायक बन्यो । जितसँगै रियलले २३ खेलमा ५३ अङ्क जोडेको छ । रियल अङ्क तालिकाको शीर्ष स्थानमा छ ।

यस्तै, गएराति नै भएको खेलमा बार्सिलोनाले एट्लेटिको मड्रिडलाई ४–२ गोल अन्तरले पराजित गरेको छ ।

१० खेलाडीमा समेटिएको बार्सिलोनाले एट्लेटिको मड्रिडलाई ४–२ गोल अन्तरले हराएको हो । खेलको आठौँ मिनेटमा यानिक कारास्कोले गोल गर्दै सुरुवाती अग्रता दिलाए पनि एट्लेटिको मड्रिडले त्यसलाई कायम राख्न सकेन ।

खेलको १०औँ मिनेटमा नै बार्सिलोनाका जोर्डी अल्बाले गोल गर्दै खेललाई १–१ गोलको बराबरीमा ल्याए । खेलको २१औँ मिनेटमा गाभीले गोल गरेपछि बार्सिलोना २–१ ले अघि रह्यो । यस्तै, ४३ औँ मिनेटमा बार्सिलोनाका रोनाल्डो अरुजोले गोल गरे भने ४९ औँ मिनेटमा डानी अल्भेसले गोल गर्दै बार्सिलोनालाई ४–१ को अग्रता दिलाए ।

खेलको ६९औँ मिनेटमा अल्भेसले रातो कार्ड पाएपछि बार्सिलोना १० खेलाडीमा समेटिएको थियो । एट्लेटिको मड्रिडका लुइस सुआरेजले खेलको ५८औँ मिनेटमा गोल गरे पनि त्यो जितका लागि पर्याप्त हुन सकेन । जितसँगै २२ खेलमा ३८ अङ्क जोडेको बार्सिलोना चौथो स्थानमा उक्लिएको छ भने एट्लेटिको मड्रिड ३६ अङ्क जोडेर पाँचौँ स्थानमा छ ।

अन्तिम अपडेट: कात्तिक १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्