सर्लाही – सर्लाहीको हरिवनमा रहेको  इलाका प्रहरी कार्यालयले विभिन्न समयमा हराएका र चोरी भएका ६ वटा मोटरसाइकलहरु सम्बन्धित व्यक्तिहरुलाई हस्तान्तरण गरेको छ ।

प्रहरीले बुधबार सर्लाहीको हरिवनमा सम्बन्धित व्यक्तिलाई बोलाए ६ वटा मोटरसाइकल  हस्तान्तरण गरेको हो । प्रहरीका अनुसार सम्बन्धित व्यक्तिलाई  हस्तान्तरण गरिएका मोटरसाइकल प्रहरीले जाँच गर्ने क्रममा र दुर्घटना हुँदा छोडेर भागेको अवस्थामा  फेला परेका हुन् । चोरी भएका सबै मोटरसाइकल बजाज कम्पनीको पल्सर  २२० सीसी भन्दा माथिको रहेको इलाका प्रहरी कार्यालय हरिवनका प्रहरी निरीक्षक भुपेन्द्र गिरीले जानकारी दिनुभयो ।

हरिवन प्रहरीले यस भन्दा अघि पनि चोरी भएका विभिन्न कम्पनीका ८ वटा मोटरसाइकल सम्बन्धित व्यक्तिलाई हस्तान्तरण गरेकाे थियाे ।