'ए' डिभिजन लिगमा जावलखेलले हिमालयनलाई हरायो

फागुन ८, २०७८ आइतबार १५:२८:४९ | उज्यालो सहकर्मी

काठमाण्डाै – शहीद स्मारक 'ए' डिभिजन लिग फुटबलमा जावलाखेल युथ क्लबले हिमालयन शेर्पा क्लबलाई हराएको छ ।

काठमाण्डौको त्रिपुरेश्वरमा रहेको दशरथ रङ्गशालामा आज आइतवार भएको खेलमा जावलाखेलले हिमालयनलाई दुई–एक गोलले हराएको हो । जावलाखेलका रुपबहादुर लामा र ओङगुना जुनियरले गोल गरे ।

खेलको १५ औँ मिनेटमा रुपबहादुर लामाले गोल गरी जावलाखेललाई अग्रता दिलाएका थिए । खेलको दोस्रो हाफको ७१ औँ मिनेटमा हिमालयनका अमृत श्रेष्ठले गोल गरी बराबरीमा ल्याए । तर खेलको ८८ औँ मिनेटमा ओङगुना जुनियरले गोल गरेपछि जावलाखेल विजयी भयो ।

जितसँगै जावलाखेल रेलिगेशनमा पर्ने सम्भावना लगभग टरेको छ । जावलाखेल १२ खेलमा १३ अङ्कका साथ अङ्क तालिकाको नवौँ स्थानमा छ । समान खेलमा १३ अङ्क नै रहेको हिमालयन दशौँ स्थानमा छ ।

यस्तै आज बेलुका पौने ५ बजे दशरथ रङ्गशालामै मनाङ मर्स्याङ्दी क्लब र न्यु रोड टिम (एनआरटी) खेल्दैछन् ।

अन्तिम अपडेट: कात्तिक १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्