यूईएफए च्याम्पियन्स लिग : चेल्सीले लिलेलाई हरायो, भिल्लारियल र यूभेन्टसको बराबरी

फागुन ११, २०७८ बुधबार ७:२:१५ | उज्यालो सहकर्मी

यूईएफए च्याम्पियन्स लिगको प्रि–क्वाटरफाइनलको पहिलो लेगमा इंग्लिस क्लब चेल्सीले फ्रान्सेली क्लब लिलेलाई हराएको छ ।

चेल्सीले घरेलु मैदान स्टामफोर्डमा आज बिहान भएको खेलमा लिलेलाई २–० गोलले पराजित गरेको हो । चेल्सीका काई हाभर्टज र क्रिस्टियन पुलिसिसले एक/एक गोल गरे । जितसँगै चेल्सीले च्याम्पियन्स लिगको क्वाटरफाइनलमा पुग्ने सम्भावना बलियो बनाएको छ ।

दोस्रो लेगको खेल लिलेको मैदानमा मार्च १७ तारिखमा हुनेछ । यस्तै अर्को खेलमा भिल्लारियल र यूभेन्टसले एक/एक गोलको बराबरी खेलेका छन् । प्रि–क्वाटरफाइनलको पहिलो लेगमा स्पेनिस क्लब भिल्लारियल र इटाललियन क्लब यूभेन्टसले बराबरी खेलेका हुन् । भिल्लारियलको घरेलु मैदानमा यूभेन्टसले डुसान भ्लाहोचिको गोलमा सुरुवाती अग्रता लिए पनि त्यसलाई जोगाउन सकेन । भिल्लारियलका ड्यानियल पारेजोले खेलको ६६ औँ मिनेटमा बराबरी गोल फर्काए । यो बराबरीसँग दुवै टोलीको क्वाटरफाइनल पुग्ने सम्भावना कायमै छ । दोस्रो लेग यूभेन्टसको मैदानमा आउँदो मार्च १७ तारिखमा हुनेछ ।

अन्तिम अपडेट: कात्तिक १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्