प्रिमियर लिग : युनाइटेडको जितमा रोनाल्डोको ह्याट्रिक, आर्सनल साउथह्याम्टनसँग पराजित

वैशाख ४, २०७९ आइतबार ६:४८:९ | उज्यालो सहकर्मी

इङ्ग्लिस प्रिमियर लिग फुटबलमा म्यानचेस्टर युनाइटेडले नर्विच सिटीलाई हराएको छ । घरेलु मैदान ओल्ड टार्फोडमा भएको खेलमा युनाइटेडले नर्विच सिटीलाई ३–२ गोलले हराएको हो ।

म्यानचेस्टर युनाइटेडका क्रिस्टियानो रोनाल्डोले ह्याट्रिक गरे । रोनाल्डोले खेलको सातौँ, ३२औँ र ७६औँ मिनेटमा गोल गरे । रोनाल्डोको यो करियरको ६० औँ ह्याट्रिक पनि हो । नर्विचका केइरन डोवेला र टिमु पुकीले एक/एक गोल फर्काए ।

जितसँगै युनाइटेडको ३२ खेलमा ५४ अङ्क भएको छ । युनाइटेड पाँचौँ स्थानमा छ । समान खेलमा २१ अङ्कका साथ नर्विच पुछारमा छ ।

हिजो भएको अर्को खेलमा साउथह्याम्टनले आर्सनलाई १–० ले हराएको छ । साउथह्याम्पटनका जन बेडनारेकले खेलको ४४औँ मिनेटमा गरेको गोल नै निर्णायक भयो ।

जितसँगै साउथह्याम्पटनले ३२ खेलमा ३९ अङ्क जोडेको छ । साउथह्याम्पटन १२ औँ स्थानमा छ । आर्सनल ५४ अङ्कका साथ छैटौँ स्थानमा छ । अर्को खेलमा टोटेनह्यामलाई ब्राइटनले १–० र ब्रेन्टफोर्डले वाट्फोर्डलाई २–१ ले हराएको छ।

अन्तिम अपडेट: कात्तिक १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्