एसिया कप : पाकिस्तानलाई भारतले ८ विकेटले हरायो

असोज ३, २०७५ बुधबार २३:३४:२५ | एजेन्सी

एसिया कप क्रिकेटमा भारतले चिरपरिचित प्रतिद्वन्द्वी पाकिस्तानलाई ८ विकेटले पराजित गरेको छ ।

पाकिस्तानले दिएको १६३ रनको लक्ष्य भारतले २९ ओभरमा २ विकेट गुमाउँदै १६४ रन बनाएको थियो ।

भारतलाई जिताउन रोहित शर्मा र शिखर धवनले उत्कृष्ट साझेदारी गरेका थिए । उनीहरुकाबीचमा ८६ रनको साझेदारी भएको थियो । रोहित शर्मा अर्धशतक बनाउँदै ५२ रनमा आउट भएका थिए । यसैगरी शिखर धवनले ४६रन बनाउँदा, अम्वाती रायुडु र दिनेश कार्तिक ३१–३१ रनमा नट आउट रहे ।

टस जितेर पहिला ब्याटिङ गरेको पाकिस्तान ४३.१ ओभरमा सबै विकेट गुमाउँदै १६२ रनमा अल आउट भएको थियो । पाकिस्तानलाई सस्तैमा रोक्ने क्रममा भारतका भुवनेश्वर कुमार र केदार जाधबले समान तीन–तीन विकेट लिएका थिए । ३ रन बनाउँदा २ विकेट गुमाएको पाकिस्तानले तेस्रो विकेट ८५ रन बनाउँदा गुमाएको थियो । सुरुवाति दुवै विकेट भुवनेश्वर कुमारले लिएका थिए ।

पाकिस्तानका बाबर आजम र सोहेब मलिकले ४७ र ४३ रन बनाउनु बाहेक अन्य ब्याट्समान भारतीय बलर सामू खुलेर खेल्न सकेनन् । अरु सात जना ब्याट्सम्यानले दोहोरो अंकको रन नबनाउँदा फहिम असरफले २१ रन बनाउँदा मोहमद अमिर १८ रनमा नट आउट रहे ।

१८औं ओभरमा आफ्नो स्पेलको पाँचो ओभर बलिङ गर्न आएका हार्दिक पाण्ड्या घाइते हुँदै मैदानबाट बाहिरिएका थिए । उनले ओभर समेत पूरा गर्न सकेनन् । उनलाई स्ट्रेचरमा राखेर मैदान बाहिर लगिएको थियो ।

अन्तिम अपडेट: कात्तिक २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्