ललितपुर जिल्लाव्यापी टग अफ वार (तान डोरी) प्रतियोगिता सम्पन्न

असोज ४, २०७५ बिहीबार १८:३३:१७ | उज्यालो सहकर्मी

ललितपुर - नेपाल टग अफ वार (तान डोरी) संघ निल्ला कार्यसमिति ललितपुरको आयोजनामा विद्यालयस्तरीय तान डोरी प्रतियोगिता बुधबार सम्पन्न भएको छ ।

ललितपुर जिल्लाका १७ विद्यालयका २९ टिमको सहभागिता रहेको खेलमा छात्रातर्फ १३ र छात्रतर्फ १६ टिमको सहभागिता थियो ।

छात्रातर्फ निर्मल स्कुल प्रथम, श्रीकुल स्कुल द्वितीय र अनल ज्योति स्कुल तृतीय भएका थिए । त्यस्तै छात्रतर्फ शहिद धर्मभक्त स्कुल प्रथम, ज्ञानोदय बालबाटिका द्वितीय र ब्लुबर्ड स्कुल तृतीय भएका थिए ।

नेपाल टग अफ वार (तान डोरी) संघका अध्यक्ष भवानीप्रसाद पौडेल, उपाध्यक्ष मदन कुमार खरेल, केन्द्रीय सचिव देवीप्रसाद घिमिरेलगायतका पदाधिकारीरुले पुरस्कार विजेता तथा उप-विजेताहरुलाई शिल्ड, पदक तथा प्रमाणपत्र वितरण गर्नुभयो ।

कार्यक्रम ललितपुर जिल्ला अध्यक्ष्य दिपकराज जोशीको संयोजनमा सम्पन्न भएको थियो । शारीरिक रुपमा स्वस्थ, मानसिक रुपमा स्वच्छ, सामाजिकरुपमा सकृय बनाउँदै अनुशासित नागरिक उत्पादन गर्ने उदेश्यले टग अफ वार (तान डोरी) उपयोगी सिद्ध हुने कुरा केन्द्रीय अध्यक्ष पौडेलले बताउनुभयो ।

सानो ठाउँमा पनि खेलाउन सकिने खेलटग अफ वार (तान डोरी)ले निकट भविष्यमा राष्ट्रिय प्रतियोगिता आयोजना गरिने कुरा सचिव घिमिरेले बताउनुभयो ।

छात्रातर्फ ३७५ केजी र अ छात्रतर्फ ४५० केजी समूहमा प्रतियोगिता सम्पन्न भएको थियो ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्