दोस्रो टी–२० क्रिकेटमा पनि भारत दक्षिण अफ्रिकासँग पराजित

जेठ ३०, २०७९ सोमबार ६:३१:३५ | उज्यालो सहकर्मी

काठमाण्डाै - दोस्रो टी–२० क्रिकेटमा पनि घरेलु टोली भारत दक्षिण अफ्रिकासँग पराजित भएको छ ।

गएराति भएको खेलमा पाहुना टोली दक्षिण अफ्रिकाले भारतलाई ४ विकेटले हराएको हो । जितसँगै दक्षिण अफ्रिकाले ५ खेलको श्रृङ्खलामा २–० को अग्रता बनाएको छ ।

भारतले दिएको १ सय ४९ रनको लक्ष्य दक्षिण अफ्रिकाले १८ ओभर २ बलमा ६ विकेट गुमाएर भेट्टायो । दक्षिण अफ्रिकाको जितमा हेन्रिच क्लासेनले ८१ रनको अर्धशतकीय पारी खेले ।

यस्तै, कप्तान टेम्बा बाभुमाले ३५ र डेभिड मिलरले २० रन बनाए । भारतका भुवनेश्वर कुमारले ४ तथा हर्सल पटेल र युजभेन्द्र चाहलले एक/एक विकेट लिए । त्यसअघि पहिले ब्याटिङ गरेको भारतले २० ओभरमा ६ विकेट गुमाएर १ सय ४८ रन जोडेको थियो ।

भारतका श्रेयस इयरले ४०, इशान किशनले ३४, दिनेश कार्तिकले ३० तथा हर्सल पटेलले १२ र अक्षर पटेलले १० रान जोडे । दक्षिण अफ्रिकाका एन्रिच नोर्कियाले २ विकेट लिए भने कागिसो रबडा, वायने पर्नेल, डिवाइन पेट्रोरियस र केशव महाराजले एक/एक विकेट लिए ।

पहिलो टी–२० खेल पनि दक्षिण अफ्रिकाले जितेको थियो । पाँच खेलको श्रृङ्खला खेल्न दक्षिण अफ्रिका भारत भ्रमणमा रहेको छ ।

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्