नवौँ राष्ट्रिय खेलकुदका लागि १२ उपसमितिको संयोजक र सचिव तोकिए

साउन ५, २०७९ बिहीबार १०:३५:३४ | उज्यालो सहकर्मी

काठमाण्डाै - नवौँ राष्ट्रिय खेलकुद प्रतियोगिता सञ्चालनका लागि गठन गरिएका १४ उपसमितिमध्ये १२ वटा उपसमितिको संयोजक र सचिव तोकिएका छन् ।

गण्डकी प्रदेशमा हुने प्रतियोगिताका लागि कार्यकारी समितिले १२ उपसमितिको संयोजक र सचिव तोकेको हो । समितिका संयोजक तथा राष्ट्रिय खेलकुद परिषद् राखेपका सदस्य सचिव टङ्कलाल घिसिङले १२ उपसमितिको संयोजक र सचिव तोकिएको र बाँकी दुई वटाको छिट्टै तोकिने बताएका छन् ।

समारोह उपसमितिको संयोजकमा एकेन्द्र कुँवर, सचिवमा शारिङ्गन निरौला, प्रविधिक उपसमितिको संयोजकमा हिमालराज दाहाल, सचिवमा प्रचण्ड शर्मा, खेलस्थल व्यवस्थापन उपसमितिको संयोजकमा राजेश गुरुङ, सचिवमा कृष्णप्रसाद तिमल्सिना, बसोबास व्यवस्थापन उपसमितिको संयोजकमा राजकुमार थापा र सचिवमा चन्द्रकुमार राई रहेका छन् ।

त्यस्तै, अनुशासन उपसमितिको संयोजकमा पेमा लामा, सचिवमा नारायणराज अर्याल, स्वास्थ्य उपसमितिको संयोजकमा डा. बुलन्द थापा, सचिवमा डा. ज्ञानेद्र विक्रम शाह, यातायात व्यवस्था उपसमितिको संयोजकमा प्रकाश कुसारी, सचिवमा देवराज कटुवाल, प्रचारप्रसार उपसमितिको संयोजकमा दिपेन्द्र विष्ट, सचिवमा खुसराज दाहाल, खेल सामग्री तथा पोसाक व्यवस्थापन उपसमितिको संयोजकमा अन्जन धमला, सचिवमा सुजन खतिवडा, स्रोत परिचालन उपसमितिको संयोजकमा सूर्य भण्डारी, सचिवमा सरोज कुमार पोखरेल, स्वयंसेवक उपसमितिको संयोजकमा जनक बर्तौला, सचिवमा लिलाराम बस्नेत र एन्डीडोपिङ उपसमितिको संयोजकमा नमिसमान प्रधान, सचिवमा दोब्रे तामाङ रहेका छन् ।

सुरक्षा प्रबन्ध उपसमिति र अनुसन्धान उपसमितिको संयोजक र सचिव तोकिएको छैन । नवौँ राष्ट्रिय खेलकुद आउँदो असोज २८ देखि कात्तिक ३ गतेसम्म हुनेछ । प्रतियोगितामा सात वटा प्रदेश, तीन विभाग र एनआरएनए गरी ११ टोलीले ३६ खेलमा प्रतिस्पर्धा गर्ने छन् ।

अन्तिम अपडेट: कात्तिक १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्