ईपीएल : चेल्सी र टोटन ह्यामको बराबरी, वेष्ट ह्यामविरुद्ध नटिङ्घमको जित

साउन ३०, २०७९ सोमबार ६:५८:१५ | उज्यालो सहकर्मी

काठमाण्डाै - इङ्ग्लिस प्रिमियर लिग (ईपीएल) फुटबलमा चेल्सी र टोटन ह्यामको खेल बराबरीमा रोकिएको छ । गएराति भएको खेलमा चेल्सी र टोटन ह्यामले दुई–दुई गोलको बराबरी खेलेका हुन् ।

चेल्सीका लागि कालिडोउ कुलीबाली र जेम्स रिसले एक–एक गोल गरे । टोटन ह्यामका पिएर इमिल होजवर्ग र ह्यारी केनले एक–एक गोल गरे । खेल सकिएपछि दुवै टोलीका प्रशिक्षकले रातो कार्ड पाए । हात मिलाउने क्रममा झगडा गरेपछि दुवै टोलीका प्रशिक्षकले रातो कार्ड पाएका हुन् । यस बराबरीसँगै चेल्सीले २ खेलमा ४ अङ्क जोडेको छ ।

चेल्सी लिगको सातौँ स्थानमा रहेको छ । टोटनह्याम ४ अङ्क जोडेर चौथो स्थानमा रहेको छ । ईपीएल अन्तर्गत गएराति नै भएको अर्को खेलमा नटिङ्घम फरेस्टले र वेस्ट ह्यामलाई एक–शून्यले हराएको छ । नटिङ्घमका लागि ताइओ माइकल अवोनीले गोल गरे ।

पहिलो खेलमा न्युकासलसँग पराजित भएको नटिङ्म फरेस्ट लिगको १०औँ स्थानमा रहेको छ भने पहिलो खेलमा म्यानचेस्टर सिटीसँग पराजित भएको वेष्टह्याम १९औँ स्थानमा रहेको छ।

अन्तिम अपडेट: कात्तिक १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्