टि–२० एसिया कप छनोटमा हङकङले कुवेतलाई ८ विकेटले हरायो

भदौ ८, २०७९ बुधबार ९:३७:१० | उज्यालो सहकर्मी

टि–२० एसिया कप छनोटमा हङकङले लगातार दोस्रो जित निकालेको छ । कुवेतलाई ८ विकेटले हराउँदैै हङकङले एसिया कप छनोटमा सम्भावना बलियो बनाएको छ । जितको लागि १ सय ५२ रनको विजयी लक्ष्य पछ्याएको हङकङले १७ ओभर ४ बलमा २ विकेट गुमाउँदै भेट्टायो ।

हङकङका बाबर हायत ५३ रनमा अविजित रहे । कप्तान निजाकत खान ५० रनमा आउट भए । कुवेतका मोहम्मद शफिक र अदनान इद्रिसले एक/एक विकेट लिए । त्यसअघि अलअमिरात मैदानमा टस हारेर ब्याटिङ गरेको कुवेतले निर्धारित २० ओभरमा ९ विकेट गुमाउँदै १ सय ५१ रन बनाएको थियो । कुवेतका एडसन सिल्भाले ५६ रनको अर्धशतकीय पारी खेले । हङकङका अजिज खान, एहसान खान र यासिम मुर्तजाले दुई/दुई विकेट लिए ।

हङकङले पहिलो खेलमा सिंगापुरलाई ८ विकेटले हराएको थियो । हङकङले अन्तिम तथा निर्णायक खेलमा आज राती यूएईसँग खेल्नेछ । आजको खेलमा हङकङ विजयी भएमा एसिया कपमा छनोट हुनेछ । पराजित भएमा नेटनरेटका कारण बाहिरिनेछ । समान २ खेलमा ४ अंकका साथ हङकङ शीर्ष स्थानमा र २ अंकका साथ यूएई दोस्रो स्थानमा छ । यूएई पहिलो खेलमा कुवेतसँग एक विकेटले पराजित भएको थियो । यूएईले दोस्रो खेलमा सिंगापुरलाई ४७ रनले हराएको थियो । यूएईमा हुने टि–२० एसिया कप शनिबारदेखि सुरु हुनेछ । समूह ‘ए’ मा भारत, पाकिस्तान र छनोट हुन बाँकी एक टोली रहनेछ भने समूह ‘बी’ मा श्रीलंका, बंगलादेश र अफगानिस्तान छन् ।

अन्तिम अपडेट: कात्तिक १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्