नेपाल टी–२० लिगमा पोखरालाई हराउँदै काठमाण्डौको विजयी सुरुवात

पुष ९, २०७९ शनिबार १३:५१:७ | उज्यालो सहकर्मी

काठमाण्डाै – पोखरा एभेन्जर्सलाई २६ रनले पराजित गर्दै काठमाण्डाै नाइट्ले नेपाल टी–२० लिगमा विजयी सुरुआत गरेको छ ।

त्रिवि क्रिकेट मैदानमा काठमाण्डाैले दिएको १ सय ६३ रनको लक्ष्य पछ्याएको पोखराले निर्धारित १९ ओभरमा ७ विकेट गुमाएर १ सय ३६ रन मात्रै बनायो । पोखराका ओपनर उपुल थरंगाले सर्वाधिक ४४ रन बनाए । आरिफ शेखले २० तथा अमिर हम्जा र अभिमन्यु मिथुनले समान १८ रन बनाए ।

काठमाण्डाैको बलिङमा अविनास बोहराले ३ विकेट लिए । बसिर अहमदले दुई तथा अनिल खरेलले १ विकेट लिए । यसअघि टस हारेर पहिला ब्याटिङको निम्तो पाएको काठमाण्डाैले निर्धारित १९ ओभरमा ५ विकेट गुमाएर १ सय ६२ रनको योगफल तयार गरेको थियो ।

खेल ढिला गरी शुरु भएकाले एक ओभर घटाइएको हो । काठमाण्डाैका ओमारजाइले ८५ रनको योगदान गरे । ८ ओभर ४ बलमा ५ विकेट गुमाएर ४८ रन मात्रै बनाएको काठमाण्डाैका लागि ओमारजाइले सुनम गौतमसँग १ सय १४ रनको साझेदारी गरे । सुनम २८ बलमा २ चौकासहित २७ रनमा अविजित रहे ।

पोखराका प्रतिस जिसी र जाहिर खानले समान २ विकेट लिए भने, मौसम ढकालले एक विकेट लिए । यस्तै अर्को खेलमा अहिले लुम्बिनी अल स्टार्स र फार वेस्ट युनाइटेड खेलिरहेका छन् । टस जितेर लुम्बिनीले ब्याटिङ रोजेको छ ।

अन्तिम अपडेट: कात्तिक ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्