नेपाल टी–२० लिगमा जनकपुरकाे लगातार दाेस्राे जित

पुष ११, २०७९ सोमबार १७:२७:२४ | उज्यालो सहकर्मी

काठमाण्डाै – नेपाल प्रिमियर लिग टी–२० क्रिकेट प्रतियाेगिताअन्तर्गत आज साेमवारको दोस्रो खेलमा जनकपुर रोयल्सले विराटनगर सुपर किङ्ग्सलाई पाँच विकेटले हराएको छ ।

विराटनगरले दिएको एक सय ४१ रनको लक्ष्य जनकपुरले अन्तिम बलमा पाँच विकेट गुमाएर भेटायो । जनकपुरका लागि चाडविक वाल्टनले नटआउट ६९ रन बनाए । यस्तै ट्रेभन ग्रिफितले २५ र शराफउद्दिन असरफले २३ रन बनाए । बलिङतर्फ विराटनगरका हुसैन तलत, नन्दन यादव र रिजन ढकालले एक/एक विकेट लिए ।

यसअघि पहिले ब्याटिङ गरेको विराटनगर १९ ओभरमा ५ बलमा एक सय ४० रन बनाउँदा अलआउट भयाे । विराटनगरका लागि सिकन्दर राजाले सर्वाधिक ३८ र रोहित पौडेलले ३२ रन बनाए । बलिङतर्फ जनकपुरका ललित राजवंशीले पाँच तथा मोहम्मद आदिल आलम र केसरिक विलियम्सले दुई/दुई विकेट लिए । ललित नेपाल टी–२० लिगमा पाँच विकेट लिने पहिलो बलर बनेका छन् ।

लगातार दोस्रो जितसँगै जनकपुर तालिकाको दोस्रो स्थानमा पुगेको छ । दुवै खेल हारेको विराटनगर पुछारबाट दोस्रो स्थानमा छ ।

अन्तिम अपडेट: कात्तिक ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्