नेपाल टी–२० लिगमा जनकपुरकाे पाँचाैँ जित, फार वेस्ट ७९ रनमै अलआउट

पुष १८, २०७९ सोमबार १६:४२:२७ | उज्यालो सहकर्मी

काठमाण्डाै – नेपाल प्रिमियर लिग टी–२० क्रिकेटअन्तर्गत आज साेमवार भएकाे दोस्रो खेलमा जनकपुर रोयल्सले फार वेस्ट युनाइटेडलाई ८२ रनले हराएको छ ।

जनकपुरले दिएको एक सय ६२ रनको लक्ष्य पछ्याएको फार वेस्ट १५ ओभर १ बलमा ७९ रन बनाउँदा अलआउट भयो । उसका लागि हशमतुल्लाह शाहिदीले सर्वाधिक ३२ रन बनाए । बलिङतर्फ जनकपुरका समिउल्लाह शिनवारीले तीन तथा सोमपाल कामी र पवन सर्राफले दुई/दुई विकेट लिए ।

यसअघि त्रिवि क्रिकेट मैदानमा पहिले ब्याटिङ गरेको जनकपुरले निर्धारित २० ओभरमा सात विकेट गुमाएर एक सय ६१ रन बनायाे । जनकपुरका लागि सन्दीप जोराले सर्वाधिक ५५ रन बनाए । बलिङतर्फ फार वेस्टका प्रकाश जैसीले तीन र भुवन कार्कीले दुई विकेट लिए ।

जनकपुर सात खेलमा पाँच खेल जित्दै १० अङ्कसहित तालिकाकाे दोस्रो स्थानमा छ । एक खेल कम खेलेकाे फार वेस्टले एक खेल जित्दा दुई अङ्कसहित पुछारमा छ ।

अन्तिम अपडेट: कात्तिक ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्