चर्च ब्वाइज र मच्छिन्द्रले बराबरी खेले, जावलाखेलले थ्री स्टारलाई हरायाे

चैत ३, २०७९ शुक्रबार १८:१३:५० | उज्यालो सहकर्मी

काठमाण्डाै – यसै सिजन बढुवा हुँदै स्टार खेलाडीलाई अनुबन्ध गरेको चर्च ब्वाइज युनाइटेड र डिफेन्डिङ च्याम्पियन मच्छिन्द्र फुटबल क्लबले काठमाण्डाैमा चलिरहेकाे शहीद स्मारक ए डिभिजन लिगमा गोलरहित बराबरी खेल्दै अङ्क बाँडेका छन् ।

आज शुक्रवार च्यासल मैदानमा भएको खेलमा स्टार खेलाडीले भरिएको चर्च ब्वाइजले अपेक्षाअनुसारको प्रदर्शन गर्न नसक्दा डिफेन्डङ च्याम्प्यिनसँग अङ्क बाँड्न बाध्य भएको हो । यस बराबरीसँगै चर्च ब्वाइजले ५ खेलमा ११ अङ्क जोड्दा मच्छिन्द्रको समान खेलबाट ५ अङ्क भएको छ ।

लिगअन्तर्गत शुक्रवार नै एन्फा मैदानमा भएको अर्को खेलमा जावलाखेल युथ क्लबले थ्रीस्टार क्लबमाथि १–० को रोमाञ्चक जित निकालेको छ । यससँगै जावलाखेलले प्रतियाेगितामा तेस्रो जित निकालेको छ ।

नियमित कप्तान अघिल्लो खेलमा दोहोरो पहेँलो कार्ड खाँदै मैदान बाहिरिएपछि उनीविना खेलेको जावलाखेलका लागि एन्कोटो मासोबीले १६ औँ मिनेटमा गरेको गोल नै निर्णायक भएको हो । जितसँगै जावलाखेलले ५ खेलमा १० अङ्क जोडेको छ । थ्री स्टारले ५ खेलमा ७ अङ्क जोडेको छ ।

अन्तिम अपडेट: कात्तिक १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्