रोल्पा – रोल्पामा एक जनाले खुकुरी प्रहरी गरी श्रीमतीको हत्या गरेका छन् । 

गंगादेव गाउँपालिका–५, का ४३ वर्षका सुकलाल सार्कीले ३९ वर्षीया श्रीमती देविसरा सार्कीको बुधबार राति खुकुरी प्रहार हत्या गरेको प्रहरीले जनाएको छ । 

घरायसी विवाद हुँदा राति करिब ११ बजेतिर घाँटीमा खुकुरी प्रहार गरी हत्या गरेको प्रहरीले जनाएको छ । सुकलाललाई पक्राउ गरी प्रारम्भिक अनुसन्धान गर्दा उनको मानसिक सन्तुलन ठीक नभएको पाइएको जिल्ला प्रहरी कार्यालय रोल्पाका प्रहरी नायव उपरीक्षक दिपक खड्काले बताउनुभयो । 

शवको पोष्ट मार्टमका लागि जिल्ला अस्पताल रेउघामा ल्याउँदै गरेको प्रहरीले जनाएको छ । घटना भएको ठाउँ दुर्गम भएकाले शव ल्याउन ढिलाई भएको प्रहरीको भनाई छ । घटनाका बारेमा थप अनुसन्धान भइरहेको समेत प्रहरीले जनाएकोे छ ।