फिफाले लागुऔषध परीक्षणमा रुसी अधिकारीलाई सहभागी नगराउने

जेठ २५, २०७५ शुक्रबार १७:८:५६ | उज्यालो सहकर्मी

विश्वकपमा सहभागी टिमका खेलाडीको लागुऔषध परीक्षणमा रुसी अधिकारीलाई सहभागी नगराउने फिफाले जनाएको छ ।

फिफाका मेडिकल कमिटीका अध्यक्ष मिचेल डि हुगेले रुसी अधिकारीहरुले रगतको नमूनामा अनियमितता गर्न सक्ने सम्भावनालाई मध्यनजर गर्दै यस्तो निर्णय गरेको प्रतिक्रिया दिए ।

रुसमा खेलाडीका लागि राज्यप्रायोजित डोपिङ हुने गरेको खुलासा भएपछि रुसी खेलकुदमा तहल्का मच्चिएसी अको थियो । रुधिकारी समेल भएको खण्डमा खेलाडीको रक्त नमुना साटफेर हुन सक्ने भएकाले उनीहरुलाई ल्याबबाट टाढा राख्न लागिएको बताइएको छ ।

द टाइम्स पत्रिकासँगको अन्तरवार्तामा डि हुगेले भने, ‘रुसमा हुने खेलाडीको डोपिङ परीक्षण सुरुदेखि अन्त्यसम्म नै रुसी अधिकारीको हस्तक्षेपमुक्त रहनेछ । प्रयोगशालामा फिफा डक्टर र दुई जना मेडिकलसँग सम्बन्धीत व्यक्तिभन्दा अरुलाई प्रवेश दिइनेछैन ।’

उनले विश्वकपमा सहभागिता जनाउने सबै टिमका चिकित्सकलाई पूरै एक महिना आफ्ना टिमसँगै रहिरहन पनि सुझाव दिएका छन् ।

रुसी टिमका खेलाडी डोपिङमा संलग्न छैनन्

फिफाले रुसी टिमका कुनै पनि खेलाडी डोपिङमा सामेल नभएको बताएको छ । यो साता घोषणा गरिएको रुसी टिमका खेलाडीमा प्रतिबन्धित शक्तिवर्द्धक पदार्थको प्रयोग भएको नपाइएको पुष्टि गरेको छ ।

जर्मनीका खोजी पत्रकार हाजो सेपेल्टले रुसी फुटबल टिमका खेलाडी पनि डोपिङमा संलग्न भएको आरोप लगाएका थिए । तर राज्यप्रायोजित डोपिङको आरोप भने रुसले बारम्बार खण्डन गर्दै आएको छ ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्