‘बेइजिङ’ लाई ‘बेगिङ’ देखाएपछि पाकिस्तानी टेलिभिजनका प्रमुखको जागिर गयो

 कात्तिक २०, २०७५ मंगलबार १९:५९:२० | एजेन्सी
unn.prixa.net

पाकिस्तानको सरकारी टेलिभिजन च्यानल पाकिस्तान टेलिभिजन कर्पोरेसन(पीटीभी) का प्रमुख अरशद खानलाई पदबाट हटाइएको छ ।

समाचार एजेन्सी एएनआईका अुनसार चीन भ्रमणमा रहेका पाकिस्तानी प्रधानमन्त्री इमरान खानको एउटा कार्यक्रमको प्रत्यक्ष प्रशारणमा पीटीभीले चीनको राजधानी बेइजिङ BEIJING काे सट्टा बेगिङ BEGGING लेखेकाले उनलाई पदबाट हटाइएको हो ।

इमरान खान सोमबार देखि चीनको पाँच दिने औपचारिक भ्रमणमा रहेका छन् । पाँच नोभेम्बरमा चीनको राजधानी बेइजिङमा भएको एक कार्यक्रमको प्रत्यक्ष प्रसारणमा अंग्रेजीमा ‘बेइजिङ’ लेख्नुपर्नेमा ‘बेगिङ’ अर्थात भिख माग्नु हुन गएको थियो ।

२० सेकेण्डसम्म ‘बेगिङ’ टेलिभिजन स्क्रीनमा देखिएको थियो । पछि गल्ती महसुस गर्दै च्यानलले त्यो शब्द टेलिभिजनबाट हटाएको थियो । 
 

अन्तिम अपडेट: कात्तिक २७, २०७५

तपाईको प्रतिक्रिया