पीएम कप क्रिकेट : उपाधिका लागि साेमबार लागि आर्मी र एपीएफ खेल्दै

जेठ २७, २०७५ आइतबार १८:१०:४ | उज्यालो सहकर्मी

काठमाडौंं – एक्सेल्सिया कलेज प्रधानमन्त्री कप एकदिवसीय राष्ट्रिय क्रिकेट प्रतियोगिताको उपाधिका लागि दुई विभागीय टोलीहरु त्रिभुवन आर्मी र एपीएफ क्लब आमने सामने हुँदैछन् ।

राष्ट्रिय खेलाडी बिनोद भण्डारीको कप्तानीमा रहेको आर्मी र राष्ट्रिय टोलीका बलर वसन्त रेग्मीको नेतृत्वको एपीएफबीचको फाइनल खेल त्रिवि मैदान कीर्तिपुरमा सोमबार बिहान ९ बजेदेखि सुरु हुनेछ ।

राष्ट्रिय खेलकुद परिषदको अयाोजना तथा नेपालय इन्टरनेशनलको व्यवस्थापनमा जारी प्रतियोगिता अन्तर्गत त्रिभुवन आर्मी प्रतियोगिताको एकमात्र अपराजित टोली हो ।

युवा खेलाडीहरुको वर्चस्व रहेको आर्मी ब्याटिङ, बलिङ र फिल्डिङमा सन्तुलित देखिन्छ ।

एपीएफले पनि उत्कृष्ट ब्याटिङ गर्दै आएको छ । यद्यपी यस प्रतियोगितामा एपीएफको बलिङ आर्मीको तुलनामा प्रभावकारी बन्न सकेको छैन ।

समूह चरणमा आर्मीले एपीएफलाई ७० रनले पराजित गरेको थियो ।

सेमिफाइनलमा आर्मीले प्रदेश नम्बर ५ लाई १५४ रन र एपीएफले नेपाल पुलिसलाई डकवर्थ लुईस नियमका आधारमा ९ रनले हराउँदै फाइनल प्रतिस्पर्धा पक्का गरेका थिए ।

प्रतियोगिताको विजेताले २० लाख, उपविजेताले १० लाख रुपैयाँ पुरस्कार पाउनेछन् । त्यस्तै प्रतियोगिताको उत्कृष्ट खेलाडीले १ लाख पुरस्कार पाउनेछ भने उत्कृष्ट ब्याट्सम्यान र बलरले जनही ५० हजार रुपैयाँ पुरस्कार पाउनेछन् ।

पहिलो पटक संघीय संरचनाअनुसार आयोजना गरिएको एकदिवसीय प्रतियोगितामा ७ प्रदेश र ३ विभागीय गरी १० टोलीको सहभागिता थियो ।

प्रतियोगिता जेठ १३ गतेदेखि सुरु भएको हो ।

अन्तिम अपडेट: कात्तिक २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्