विदेशमा करार अवधि बाँकी रहेका ८६ प्रतिशत श्रमिकले पुरै तलब पाएका छन् : जिफण्ट

जेठ १४, २०७७ बुधबार १६:५९:३८ | उज्यालो सहकर्मी

काठमाण्डौ – नेपाल ट्रेड युनियन महासंघ (जिफण्ट)ले गरेको एक अध्ययनले ८६.९ प्रतिशत नेपाली श्रमिकले विदेशमा तलब पाइरहेको देखाएको छ ।

मलेसिया र मध्यपूर्वका देशमा कार्यरत जिफण्टको आफ्नो नेटवर्कमा आबद्ध रहेका १९ हजार पाँचसय ७१ जना श्रमिकमाझ गरेको अध्ययनले रोजगार अवधि बाँकी रहेकामध्ये ८६.९ प्रतिशत श्रमिकले पुरै पारिश्रमिक पाइरहेको देखाएको हो । यस्तै १०.९८ प्रतिशतले आंशिक पारिश्रमिक मात्र पाएको र २.९३ प्रतिशतले पारिश्रमिक नै नपाएको जिफण्टको प्रतिवेदनमा उल्लेख छ ।

काममा संलग्न श्रमिकमध्ये अधिकांशलाई आधारभूत स्वास्थ्य सुरक्षाको लागि मास्क, पञ्जा, सेनिटाइजरको व्यवस्था भएको श्रमिकले बताएका छन् । अध्ययनमा सहभागी श्रमिकले बिरामी हुँदा उपचार पाएको पनि उल्लेख गरेका छ ।

करार अवधि सकिएका, आम माफीमा सहभागी भएका र पारिश्रमिक नपाएर समस्यामा परेका श्रमिकलाई तत्काल स्वदेश फर्काइ उनीहरुको लागि देशभित्र रोजगारी सिर्जना गर्नुपर्ने जिफण्टको माग छ ।

प्रधानमन्त्री रोजगार कार्यक्रममार्फत पालिकास्तरमा रहेको रोजगारी वा स्वरोजगार हुन चाहनेलाई आवश्यक सहयोगको व्यवस्था मिलाई नेपालभित्रै रोजगारीको अवसर सिर्जना गरिनुपर्ने जिफण्टको सरकारलाई सुझाव दिएको छ ।

याे पनि पढ्नुहाेस्

मे २७ : खाडीका ६ देश र मलेसियामा काेरोना सङ्क्रमणकाे पछिल्लाे अवस्था

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)