मलेसियाबाट मलिण्डो एअरले सरकारले तोकेभन्दा सस्तोमा नेपाली ल्याउने

असार १४, २०७७ आइतबार ११:२५:१३ | उज्यालो सहकर्मी

काठमाण्डौ – मलेसियाबाट स्वदेश फर्कने नेपालीलाई मलिण्डो एअरले सरकारले तोकेकोभन्दा झण्डै तीन हजार रुपैयाँ सस्तोमा ल्याइदिने भएको छ ।

हिमालय एअरलाइन्स र नेपाल एअरलाइन्सले तोकेको भाडाभन्दा झण्डै तीन हजार रुपैयाँ सस्तो भाडादर मलिण्डो एअरले तोकेको मलेसियामा रहेको नेपाली दूतावासले जनाएको छ । मलेसियाबाट काठमाण्डौ आउने चार्टर्ड उडानको भाडादर हिमालय र नेपाल एअरलाइन्सको १५ सय ९० मलेसियन रिंगिट अर्थात आजको विनिमयदर अनुसार ४४ हजार ७९५ रुपैयाँ रहेको छ ।

तर मलिण्डो एअरले १५ सय मलेसियन रिंगिंट अर्थात आजको विनिमय दर अनुसार ४२ हजार २५९ रुपैयाँ तोकेको छ । एअरलाइन्स वा अन्य एजेण्ट कसैले पनि योभन्दा बढी भाडा मागेमा नदिन र नतिर्न मलेसियामा रहेको नेपाली दूतावासले अनुरोध गरेको छ । कुनै बहानामा बढी भाडा मागेमा दूतावासमा सम्पर्क गर्न अनुरोध गरिएको छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)